Thawngtha- KNDF Nih Ralhrang Uico Tamtuk An thah khawh hna

Kaya ramkulh ah April hnubik zarh i kah dihnak ah ralhrang 24 an thi i Yesin humhimnak latu ralhrang minung 7 an nung buin an tlaih hna lengah hriamnam meithal 7 le kuan an lak piak khawh hna.
Chokhleipar | May 1 | 2022

“Kaya ramkulh chung ah april thla chung hnubik ralhrang le Kaya hriamtlai phu fonh i kah dohnak cu Demosoe le Phazusoe pengah kahdohnak a chuak i ralhrang 24 an thi tiah theih a si. Cun Loikaw peng Lowpitah Yesin humhimnak latu ralhrang minung pa 7 cu an nungbu in kan tlaih hna i an hriamnam meithal kan lak piak hna”tiah KNDF nih thawngthanh.

Demosoe peng chung april zarh dongh ralhrang le KNDF phu fonh cu ni fatin te i kahnak a chuak i Khawdami kahdohnak ah KNDF paraltha pahnih nunnak a liam ve.

Cucaah Ralhrang phu hna cu Shan ramkulh nitlaklei Pinlawng peng inKaya ramkulh chungah ralhrang motor 30 in thazaang an rak chap tiah KNDF nih an chim.

April 29 ah Lopihtah Yesin humhimnak tuanvo latu ralhrang ch Kaya hriamtlai KA le KNDF i fonh hna nih a nung in minung 7 an meithal le kuan he an lak piak khawh hna i ralhrang hna cu KSP sin ah an ap hna tiah theih a si.

Demosoe peng Kungthar| Dawngankhar le Khauhpale sangah ralhrang hmunkhuar mi hna cu Kya hriamtlai phu fonh nih an kah hna caah tutiang an i kap peng rih hna tiah theih a si.Khithtitmedia

Be the first to comment

Leave a Reply

Your email address will not be published.


*