Theihthlei: Pa nih kan i palh tawnmi

Theihthlei: Pa nih kan i palh tawnmi. Pa nih nu kan duh kan uar hna tikah kan i palh tawnmi hi remh a hau.

Pa nihcun nu kan uar kan duh tik hna ah a mui ai dawh, a hnuk a ngan mi le a tawk a ngan mi hi kan duh kan uar deuh tawn hna. Cucu kan mit in kan thluk ah a kal caah a si tawn.

Inn chungkhar ah nuva si le chungkhar dirh taktak hnu ahcun kan tlangval lio ah kan ruah mi le kan duhnak kha cu pakpalawng an rak si theu tawn. Zeitluk hmanh in na nupi kha a hnuk ngan, a tawk tha in i dawh ko hmanh sehlaw nupi tha a si lo ahcun a lak a si ko.

Kan lai phungthluk ah muidawh nih Anthur hang so loh ti kan ngei. Cucu a dik tukmi a si. Muidawh le tungtai ruang ah inn chungkhar thanchonak a pel te zong a um hlei lo. Mahhi pa nih kan theih bak ding a biapi tuk.

Voikhat mithit nak men ruang ah nupi kan thit ahcun kan chan chung hellram tlak bantuk a si. Fale nung na ngaktah ah chiah an fawi te.

Cu ruang ah nupi caah cun ai dawh lo zong, a tawk that le a pumrua that lo zong ah mi thinlung put tha, mifel le mi dawt thiammi te kha an rak tha bik ko. Cucu pa tampi nih kan ruah a hau. Kan i fian a hau. Voikhat lung thawhnak men in nupi thi hlah. Mithit bak men in nupi thi hlah. Cucu a sau bik fa khat ngeih ahcun a dih ko, a ziam ko.

Nu pawl an i dawhnak hi fa pakhat or pahnih an ngeih ahcun a ziam ko, a dih ko. Cu caah muidawh le pumrua tha timi hi kum hnih thum ca lawng a rak si. Nufel cu chanchung ca a si. Hihi na tlanval lio te ah nai fian a hau.

Be the first to comment

Leave a Reply

Your email address will not be published.


*