Thih Ding in Inn Dot 26 nak in a zuang i Vanchiat Nak ah A Thi Lo , A Ke Pahnih ning in A Kiak

Ramdang pa he aa duh mi nungak nu cu a Dl he anisik caah inn dot 26 nak in a per nain vanchiatnak ah a nun a himtiah Thai social media chungah a linsa taktak.

Chokhleipar| May17|2022
Thairam Bangkok khuapi Condo inn dot 26 nak zawn bak in a per mi Thai nungaknu pakhat cu hliamhma fak taktak he vanchiatnak ah chanchuahtu phu pawl nih an zuan hnawh manh caah a nun a him. A zuan tlawmpal bakah chanchuah tu phu nih sizungah an kalpi manh ti a si.

Erawan center in cu nungaknu cu kilometer 1 tluk lawng a hlatnak hmun sizung ah an tlik pi manh. Nain a ke pahnih in a kiak leng ah hliamhma dang fakpi in a hmuh caah cuka hmun sizung nihcun an zohkhenh kho lo i sizung dang ah an kuat tiah theih asi.

Nungaknu a hliamhma thawpbul dingah suimilam pahnih bak te anrau ti a si. Thai social media pawl nih an langhter ning ahcun ramdang a tlangval pa he ani sik i Bangkok khuapi Rakhamhaeng erea Condo Lahthar sawng in a per tiah an chim. A ke pahnih a kiak cang leng ah a dang hliamhma fakpi tuar buin Vanchiatnak aha nun him in an chanh khawh cu mi vanchia bik a si lai tiah Thai Social media ahcun a linsa taktak khi asi.Ref:thethaiger

Be the first to comment

Leave a Reply

Your email address will not be published.


*