Thih Hlan Um Ți Ding Mi (Nupi Pasal) Naa Thim Tikah

Thih Hlan Um Ți Ding Mi (Nupi Pasal) Naa Thim Tikah

Vawlei cung ah a fawibik cu minung i thlen a si. Second pakhat ah minung nunnak hi aa thleng kho. Cu ve bantuk cun Vawlei cungah a harbik zong minung nun i thlen a si ve. Thih tiang nun aa thleng lomi tampi an um.

Cucaah a bik in thih hlan um ți dingmi nupi pasal na thim tik hihi ruat hrimhrim…

Nan i duh lio i zumh a tlak lomi minung cu nan i um hnu zongah na caah zumh a tlak lai lo.

Nan i duh lio i a biakam a letmi cu nuva nan si hnu zong ah a bia a let peng lai.

Nan i duh lio i a phohpian mi cu nan i um hnu zongah a phohpian than ko lai.

Nan i duh lio i a un thu/ nuar hmang mi cu nan i um hnu zongah a ung / a nuar ko lai.

Nan i duh lio i mi velh kutthlak hmang mi cu nan i um hnu zongah an velh ko lai.

Nan i duh lio i hlen hmangmi cu nan i um hnu zong ah an hlen ko lai.

Nan i duh lio i zuding cu nan i um hnu zongah a ding ko lai.

Nan i duh lio i a thathu mi cu nan i um hnu zong ah a thathu ko lai.

Nan i duh lio i mi țuan cu nan i um hnu zongah a tuan ko lai.

Cucaah nan i duh lio i zumhtlak bak na timi cu nan i co hnu pin lei ah ruahchannak tampi a um. Nan i duh lio hmanh i na caah zumh a tlak lomi pa/ nu cu aa thleng te ko lai tiah va ruat duh hlah. Na ruah ning bantuk si lai lo. Zeicahtiah minung hi ruah lo pi ah vut tiah i thlen khawh cu a si nain cu bantuk minung cu 100 ah 1 hrawng lawng an si tawn.Credit- Tluang Ceu Thang

Be the first to comment

Leave a Reply

Your email address will not be published.


*