Thingkung Cungah Internet Le Phone Line Hman A hau cang

Thingkung Cungah Internet Le Phone Line Hman A hau cang

Magway ramthen Gangaw peng le Sagaing ramthen, Kalay thlanglei hmun cheukhat ah internet line an phit piak hna ruangah thingkung cungah kai in Internet le phone line an hman cang tiah theih a si.

“Thingkung cung kai ahcun line a ngah ton. Cucaah minung tampi hna cu a tuhi thingkung cungah an kai hna iminternet line an hman hna.Kalay thlanglei lawng si lo in cunglei zong mah thiamthiam cu a si ko tiah mithmutu pakhat nih a chim.

Khuapi chung cu Internet line an pek ko nain ralhrang pawl nih iperation an tuah fatinte hi Line a chia peng a ngah ton ve lo tiah theih a si.

Ralhrang pawl i internet le phone line an an phitnak ruang ah tualchung um inpehtlaihnak a har i thawngpang i pekchanh zong a har ngaingai tiah theih a si. Tlaipi hnu hna ah ralhrang pawl an ra tiah an theih tik ahcun khuachung um mipi pawl harnak an ton cang.

Cucaah mipi vengtu ralkap pawl nih Internet Line le phone line nan on than lo a si ahcun Phone tower pawl kan hrawk dih lai tiah ralrin peknak an tuah ve.

Magway ramthen, Pauk peng (ပေါက်မြို့နယ်) tlanglei zongah May 28 in an phih i thlakhat chungah nan on than lo a si ahcun nan tower pawl kan hrawk dih lai i hriamnam tuahnak ah kan hman dih lai tiah mipi ralkap PdF nih ralrin an pek.

Be the first to comment

Leave a Reply

Your email address will not be published.


*