Tial Thang Asungh Hi Mawhchiat Ding Asi Lo, Amawh Lo –


Nizan Dec.3 ah ONE 164 ah Tial Thang cu Philippine pa Jeremy nih knock out in round khatnak ah a tei. Mah kongah Tial Thang hi a thiam lo tuk atimi tampi Laimi chung ah kan um hna. Jeremy le Tial Thang kongah MMA an dirhmun langhter ka duh. Jeremy hi ONE ah voi 15 khelte Octagon cungah aa thua cang mi asi. Voi 15 ah voi 10 teinak a hmu i, Champion taisawm tiang a rak ngah balmi asi. Tial Thang cu nizan te lawng ah aa thua mi asi i, Laimi nih kan theih mi ah voi 4 lawng hi ONE Championship ah aa thua rih rua dah. Cu ahcun voihnih teinak a hmu manh.

Tial Thang nih vawlei pi theih in Octagon cung a kai cu kumhnih thum faite lawng asi rih. Thil pohpoh hi experience a biapi, exercise a bia pi. Cawnnak a kum tam hrat le ithong avoitam hrat ahcun mu… Cu caah tutan ah Tial Thang nih Jeremy a tei khawhlonak hi cubantuk tete ruang ah asi khomi asi. Cun, ONE, UFC tbk hna hi cu thiam tuk ko zongah iti sual caan an um theo i ruahlo piin voikhatte thongh sual, reh sual ahcun sungh a fawi. Tutan Tial Thang asungh hi athiamlo ruangah asi lo.



Source link

Add a Comment

Your email address will not be published. Required fields are marked *