Tihnung Ko cang, Russia Nih Nuclear Hman Tak Dawh A si ko cang Tiah American CIA Dirrector Nih Ralrin Pek

Russia nih Ukraine dohnak ah Nuclear hriamnam a hman khawh timi kong ah CIA nih ralrin a pek taktak cang ko. A ruang cu Russia nih Ukraine a tuk ningcang a duh ning in hma a kal khawh ti lo caah nuclear hi a hman khawh tak mi a si cang tiah American Agency Director William Burns nih April 14 ah a chim.

Nain hi kong he pehpah in thil fiang ngai tak hmuh mi cu a um rih lo tiah Reuter nih an langhter. Febuary 25 ni in Russia nih Ukraine a luhhnawh hnu CIA Director William Burns nih Ralpi pahnihnak Europe ramchung ah ral nganbik nuclear hriamnam hman ding tiang a chuak kho tiah a ruah ning a chim hmasat a si.

Russia president Putin he aa naihniam tuk mi pakhat Russia humhimnak tuanvo latu Assistant Chairman Dimitri Medvedev nih April 14 tuan ah khan Sweden le Finland ram nih NATO chung ah an i tel a si ahcun nucreal hriamnsmnak in a khulrang deuh mi Misile he Europe ramchung a laifang tiang kan kah lai tiah NATO cu ralrin peknak a rak ngeih cang.

American ram Georgia rngineer department ah CIA Director William Burns nih biachimnak a ngeih lio zongah Putin hi a ruah ning banruk in a si ti lo caah thintoi in sual chin lengmang dawh a si kho tiah a chim chih. A ruang cu Russia ralkap pawl hi faktuk in an i sungh lawng si lo in Ukraine khuapi Kieve an lak khawh lo lengah Ukraine nitlak lei zong an chuah tak thsn cang tiah a chim chih fawn.

Curuangah Putinhi thinhung le thintoi in Ukraine a teiti lo caah nuclear hriamnam hmannak in tlerhkhawn dawh a si caah ralrin taktak in um a hau tiah CIA Director William Burns nih a chim.

Ralram ah hman khawh ding in Russia cozah nih nuclear hriamnam a ngeih mi hi vancung in siseh leitang in le ti cung in hman khawh ding pawl a zate in 2000 a ngeih lai tiah ral lei thiamsang hna nih an zumh ning a si.Source: Reuters

Be the first to comment

Leave a Reply

Your email address will not be published.


*