Timmin CNO, Salai Paul Lu CDF-Palettwa le Salai Willian Chin(GS, CNO Hna nih Anmah Duh In CJDC Ah Luh Than Ding In Mara Defense Force An Va Sawm Hna

Nihin ah khan CJDC Upa nih (Mara-MDF/MATC Cu CJDC member ah lutthan dingin an sawm hna timi capar pakhat a hung chuak. Khuaruahhar ngaingai cu a si lo timi hi tuzanlei ah CDF-Mara nih cathanh an rak chuah.

Cathanh an chuah ning ah. Timi(GS, CJDC & AGS I, CNO), Salai Paul Lu (Information Secretary, CJDC & President, CDF-Palettwa) le Salai Willian Chin(GS, CNO)hna nih Mara Defence Force (MDF/MATC) hruaitu upa hna cu MDF/ MATC Headquarters a um nak Siaha Office ah an va tawn hna mi hi CJDC aiawh in tlawn mi si lo in anmah pumpak ruahnak in an va tlawn mi hna a si tiah CJDC ohkathah lei nih an chim tiah an langhter.

Cucaah hikong ah hin CJDC cunglei nih fianter nak nan rak tuah ding in kan in nawl hna. Fiangter nak pakhat hmanh nan rak tuah lo a a si ahcun kan unau Alliance ZZLMS he a herh ning in rian kan tuan lai tiah an langhter.

Hi cathanh nih a fianter mi cu naitan Timi(GS, CJDC & AGS I, CNO), Salai Paul Lu (Information Secretary, CJDC & President, CDF-Palettwa) le Salai Willian Chin(GS, CNO)hna nih Mara Defence Force (MDF/MATC) hruaitu upa hna cu MDF/ MATC Headquarters an tlawn mi hna hi CJDC hnatlaknak si lo in anmah duh in an tlawn hna timi a fiang.

Anmah duh ning in an tlawn hna i JCDC chungel ah luh than ding an sawm mi hna a si ahcun an palh taktak lai. CJDC chungtel lila ah buainak a chuak cang lai timi cu nihin zanlei cathanh ah fiangte in hmuh khawh a si. Nain cunglei nih fianternak an tuah rih lo caah a tu ahcun chim chung a har ngai. Cun nihin zanlei i CDF Mara nih cathanh an chuah mi zong minute panga hmanh rauh lo in an hnawh than caah a poi ngaingai ko.

>Strong>An tlawnnak kong cu a tanglei bantuk in The Chin Light nih an rak tial mi a si.
CJDC Upa nih (Mara-MDF/MATC Cu CJDC member ah lutthan dingin an sawm hna

Hnaring khuapi ah CJDC meeting an tuah dih hnu ah 14th, July 2022 ah CJDC upa a si mi hna, Timi(GS, CJDC & AGS I, CNO), Salai Paul Lu (Information Secretary, CJDC & President, CDF-Palettwa) le Salai Willian Chin(GS, CNO) hna nih Mara Defence Force (MDF/MATC) hruaitu upa hna cu MDF/ MATC Headquarters a um nak Siaha Office ah an va tawn hna.

Atu bantuk in an va tawn hnanak a ruang cu CJDC Member chung hruaitu cheukhat hna chung in MATC/ MDF konglam a diklomi le zumtlak a silomi thawngpang diklo tamtuk a chuak lengmangmi kongah thawngpang dik le thildik a chuak chin khawh nakhnga caah tiah CJDC, Defense lei tuonvo ngeihtu hna he hmunkhat ah rian ttuan-tti than dingin tawnnak an ngeih mi a si

Cu an itawn nak ah cun MATC/ MDF hruaitu upa hna zawng nih MDF/ MATC kong thawngpang a diklo mi phozar a sinak kongah an lung a thatlonak le MATC/ MDF an si ning taktak Chimfiangnak an ngeih ve hna .

Sihmanh sehlaw MDF/MATC nih Chinland ramchung Defense phu vialte hmunkhat ah ikawm ding an duhnak kong le MDF/ MATC aa thawhkehnak kong fiang tein CJDC upa hna sin an chim dih hna tikah CJDC upa lei zawg an ilawm tuk ve.

Salai Timi, GS CJDC nih MATC/ MDF cu CJDC Member ah lut than dingin sawmnak bia a cah hna.

Kan Chin ram chungah a tlawnglengmi dihlak karlak ah a ngan deuhmi le a hme deuhmi miphun kan um lo nak kong “Equal Partners” based timi tlukruang tein khuasak tti a herhnak kong , Chin affairs timi kongah phunkhat le phunkhat hniam deuh in i hmuhnak “Subordinate” tibantuk hi kan karlak ah a um nak hngalo izuam dingin saduhthah an ngeih nak kong zawng MATC lei nih an chim ve. Cu hnu ah kaphnih lei thil dik le a diklomi thawngpang a chuakmi kong ah hal duh mi te te ihalnak le fianternak an ituah dih hnuh an meetingpi cu an dongh ter.

CJDC upa hna hi lamhlatpi in a ra mi an si caah MATC nih thaithaw thawtak in an chuan piak hna i, rawl dumttinak an ngeih tti kho.
Credit:ISSUED BY:Information & Publicity Department,Mara Administrative Territorial Council Maraland Credit-The Chin Light

Be the first to comment

Leave a Reply

Your email address will not be published.


*