Țingsi khuami Salai Sui Bik Lian cu SAC ralkap nih December 15 ah An Thah. – Thawngpang Dik Thanh Hna Usih


Gangaw Ah Chin Pa Pakhat SAC Ralkap Nih An Thah .Chin ramkulh, Matupi peng, Țingsi khuami Salai Sui Bik Lian cu SAC ralkap nih December 15 ah Gangaw khuachung ah a ruang um loin an tlaih i an thah tiah kan theih.

A ruak zong a chuahsemnak khua ah tlunpi an sianh hna lo caah Gangaw ah a ruak cu an vui

SAC Ralhrang Nih Russia Le Tuluk Ah A Cawkmi Hna, Helicopter 2 Le Jet Vanlawng Pawl A Chuahlangh Hna! SAC ralhrang nih a thlithup in a cawk mi hna kahdohnak zongah hmankhawh mi (Kamov KA-28 Helix) Helicopter 2, SU-30 Jet vanlawng pawl le Tuluk (FTC 2000 G) Jet vanlawng pawl cu Min Aung Hlaing nih cunglei ralkap kum 75 tlinnak ni ah a chuahlangh hna tiah theih a si.

SAC ralhrang muilangh thawng chimnak (ရုပ်မြင်သံကြာ:) nih cun (K8-Helix) Helicopter 2, (SU-30 ) Jet vanlawng 5, Tuluk chuak (FTC 2000 G) Jet vanlawng cheukhat pawl lawng a langhter.

Russia ram nih ningcang thar in chuahmi (Kamov KA-28 Helix) Helicopter 2 cu SAC ralhrang nih a thlithup in a cawkmi a si i, Sagaing ram tualchung mipi pawl cunglei in a kah hna lio ah khan a hmanmi hna a si tiah Yangon Khit Thit Media nih a langhter.

Tuluk chuak (FTC 2000 G) Jet vanlawng 6 hna cu SAC ralhrang nih a cawk hnu ah Namhsam vanlawng tual an phanh pi tiah Khit Thit nih a langhter cang nain (Kamov KA-28 Helix) Helicopter 2 tu cu cawkding in timhtuahnak a ngeih thawngthanh ta lo in a tlithup in a cawkmi a si tiah a langhter chih.

Zapi nih nan theih theng lomi biathli. ‘Chin media pawl thanchonak’ caah tiin ramdang donor nih kum khat ah bawmhnak ting thong tampi an rak pek tawn, cucu media lei hruaitu pawl nih an rak i cheuh theu.

Hakha Post an rak i then hlan i an upa pakhat zong nih cu bawmhnak phaisa hmang in Hakha ah inn pakhat a rak sak khawh. Chin World i tuanvo ngeitu pakhat zong nih Kalay ah inn pakhat a rak cawk ve. Media, civil org, nuhrin covo phu, relief phu, local NGO te pawl khi phaisa luhnak donor tampi an ngei cio hna. CHRO lebang khi cu kum khat ah dollar million in an hmuh.

Zapi theih loin Chinram ah phaisa bawmhnak a lutmi khi a rak tam ngai tawn. Cheukhat caah cun a thahnem tuk. Lawmhpi ko hna u sih.

Cun, atu i US cozah nih kan ram dohthlennak caah bawmhnak pek a timhmi $400 million leng zong khi a herhnak ah a kal theng te lai lo. Aizawl le Thailand hrawng ah 70% cu a tlau te ko lai. Nuhrin covo phu, relief phu, civil org, media phu, local NGO tbk an hotu kut ah tam deuh a lut te lai.

Ramdang a himnak hmun in midang fa dawt hna raltuk ding (anmah an fale cu ramtha ah sianginn an kaiter hna) an forh tawnmi khi cheukhat cu miphun an dawt caah a si theng lo, bawmhnak phaisa ngah an duh caah a si deuh tawn. Ral a thawh i ralzam an tam lawng ah ramdang cozah le INGO sin in bawmhnak tam ngah khawh a si caah asi theu. An dihlak cu an si ve lai lo nain.

Kan thihloh caan ah a ngaih a chia vemi an um bang, ruakvui caan ah voksa vuai lak ei lai aa ngeihmi zong an um tawn ve timi philh lo a tha.

A himnak hmun sofa cung an thutnak in ‘tih hlah u, thua chih u, nan tei dengmang cang hih’ tiah thih khawhnak hmun raltuknak kal ding an kan forh tikah ‘ruakvui lio voksa ei ding a bawhmi a si ve hnga maw?’ timi hi a lungfim komi nih cun tuaktan a hau ngaimi khi a si.

 



Source link

Add a Comment

Your email address will not be published. Required fields are marked *