Tuchun Chinram chung ah CDF Le Kawl Ralhrang Kar ah kahdohnak a faak, hliamhma a hmu mi – Thawngpang Dik Thanh Hna Usih


Tidim Khuapi Pawng Ah Kahdohnak A Chuak!Chin ramkulh Tidim khuapi pawg Sezang khua ah SAC ralhrang le tualchung hriamtlai PDF Zoland, CDM Siyin fonh karlak ah kahdohnak a chuak tiah theih a si.

December 16 zing slm 11:90 tluk ah kahdohnak a chuak i slm 2 chung hrawng a rau, tualchung mi hna zong kahdohnak a chuah karlak chung cu cikkhat an tlizaam tiah tualchung mipi hna sin in theih a si.

Tidim khuapi in SAC ralhrang 40 hrawng cu December 15 chun ah khan Sezang khua ah an raklut i sianginn ah zaan an riak hna tiah theihchih a si.

SAC ralhrang le tualchung hriamtlai fonh PDF Zoland, CDM Siyin hna karlak ah kahdohnak a chuah hnu in SAC ralhrang thimi le hliamtuar an um i Sezang khua zong ralhrang nih an chuahtak tiah theih a si.

Hakha Ah Kahdohnak A Chuak, Inn Pakhat Mei An Khangh!. Chin ram khualipi Hakha khuahlun sang ah a luancia December 11 zaan suimilam 8:00 tluk ah khan kahdohnak a chuak hnu ah mipi inn pakhat mei in an khangh tiah theih a si.

“Kahdohnak cu minute tlawmpal a chuak i inn pakhat a kang, a ruang theih a silo, lengah kan chuak ngamlo, 266 ralhrang umnak/sakhan in hriamngan pawl an rak kahnak thawngtheih a si” tiah tualchungmi pakhat mih Zalen ah a chim.

Cu kahdohnak ah cun SAC ralhrang lei in a thimi le hliamtuar an um tiah theih a si nain fehter khawh a si rihlo. Inn pakhat meikanghnak konghe pehtlai in SAC ralhrang nih tinhchih tein an khangh mi a si i inn neitu chungkhar minung 6 hna cu umnak an ngeiti lo tiah Chin nuhrincovo phu nih thawngthanhnak an tuah.

Salai Htet Ni: Rih lamphih kong cathanh CNF nih a theihpi lomi si. Nizaan December 15 ah Tedim peng uknak lei bu nih an tarmi Rih-Kalay karlak lamphih ding timi cathanh cu CNF nih a theihpi lomi, phungning lo cathanh a si, tiah CNF chimnak nawlngei Salai Htet Ni nih The Mindat Post ah a chim.

Cu cathanh cu Tedim peng uknak lei bu nih an tar hnu ah PDF-Zoland hiramtlai bu le The Tedim Times thawngzamhnak nih an i tar chin ve i, mizapi nih hmuh cio a si.Hi cathanh kong he pehtlai hin Tedim peng Zimte Camp ah rian a ṭuan liomi CNA ralkap upa lei zong nih kan thei lo tiah an chim.

Cu cathanh cu December 17 ah chuah ding phun in nithla an khenh i, December 18 in January 5 tiang Kalay le Rih lampi kan khar chung lai, tiah an ṭial.Salai Htet Ni nih, “Lam kan khar lo. A deu ti nakin phungning lo/kan theihpi lomi a si kan ti lai. Center in zeihmanh nawl kan pekmi hna a um lo,” tiah a chim.

Tedim peng uknak lei bu nih, “Kanmah theipinak zeihmanh um loin zei bantuk hriamtlai hmanh kan hmunram ah nan cawlcang lai lo. Mipi caah harnak a chuak ding a um ahcun thawng kan in thanh ko hna lai,” tiah nizaan ah an ṭial.Credit: The Chin Journal.



Source link

Add a Comment

Your email address will not be published. Required fields are marked *