Tuchun Kahdohnak Ah Miphun ralkap hna nih Kawl ralhrang Helicopter An Kah i an khen Ralhrang tamtuk an thi fawn – Thawngpang Dik Thanh Hna Usih


Namhsan Kahdohnak Ah Ralhrang Helicopter Cu TNLA Nih An Khen Caah A Rawk!Shan ramkulh Namhsan (နမ့်ဆန်) pengchung ah SAC ralhrang le tualchung hriamtlaiphu TNLA karlak ah

December 7 in 12 tiang kahdohnak fakpi a chuak i ralhrang nih an hmanmi Helicopter pakhat zong meithal kuan nih a khen caah hman awk a ttha tilo tiah Khit Thit Media nih thawng fehternak a tuah.

Hi konghe pehtlai in SAC ralhrang bawi hna telh in a thimi cu ruak 47 char an si pin ah hliamtuar zong an tam, hriamnam tampi zong lakchih an si hna. Tualchung hriamtlai lei zong in nunnak a liammi le hliamtuar an um ve tiah TNLA nih thawngthanhnak an tuah.

Pakokku Ah SAC Ralhrang ‘Gate’ Kah A Tong, Ralhrang Thimi Le Hriamnam Lakmi Thawngthanh An Tuah!Magway ramtthen Pakokku khuapi Pakokku University le Chohkan (ခြောက်ကန်) karlak ah ummi SAC ralhrang cheknak ‘Gate’ cu tualchung hriamtlai phu hna nih an luhhnawh hna caah kahdohnak fakpi a chuak tiah (Earthquake People Defense Force) nih thawngthanhnak an tuah.

December 18 chun slm1:00 tluk ah cheknak ‘Gate’ hngak tu SAC ralhrang 4 cu (Earthquake People Defense Force) nih an luhhhnawh hna i ralhrang 3 cu a hmun ah an thi colh, pakhat cu hliam faktuk a tuar tiah thawngthanhnak an tuah.

Hi kahdohnak ah MA3 meithal 1, Usi meithal 1, G3 kuan fang 500, G3 kuan bom 2, tangka singthum, phone 2, hmah-pung-ttin hna le thilri dangdang hna zong lakchih an si hna tiah (Earthquake People Defense Force) nih thawngthanhnak an tuahchih.

CDF-Zophei Nih Hriamngan Phun 2 An Serchuah.Chinland Defense Force -Zophei (CDF-Zophei) nih CBCUSA CDF Supporting Committee bawmhnak thawng in hriamngan phun 2 an serchuah cang tiah theih asi. ”CBCUSA CDF Supporting Committee bawmhnak thawng in, CDF-Zophei nih Chanthar fiamthiamnak hmang in; Hriamnam ngan, phunhnih (Zun-12) hrawng

Serchuah khawh a si cang. Ruahnak leng tiang hmanh in a ṭha i, a hmannak le a rianṭuannak zongah santlaihnak le ṭhahnemnak tampi a ngei lai tiah kan zumh” tiah Zophei Information Center nih an Facebook cahmai ah an langhter.

 

Matupi In A Zaammi SAC Ralhrang Tlaihkhih An Tong!Chin ramkulh Matupi hrambunh SAC ralhrang 140 Battalion in hriamnam tling he a tlizaam mi ralhrang pawl cu December 17 ah SAC ralhrang nih an tlaih tthan hna tiah theih a si.

SAC ralhrang chung in a tlizaam mi an um ruangah December 14.2022 ni thok in SAC ralhrang nih an kawl hna i khualuh chuahnak zong an phihkhar dih hna hnu ah a tu bantuk in ralhrang 3 hna cu hriamnam he tlaihkhih an si tiah theih a si.

Tualchungmi chimnak ah cun Bungtlang tisor kam ah meithal puah thawng kan theih. A zaammi SAC ralhrang pawl le a kawltu hna SAC ralhrang pawl an i kah hnu ah an tlaih tthan hna hi a si tiah an chim.

 



Source link

Add a Comment

Your email address will not be published. Required fields are marked *