Tuksapur – IS Pawl Nih Khrihfa Minung 20 An Thahnak Hna Video A Chuak

Tulio cu US president a tum hnu ah cawleicung tihnung bik an rak timi hna IS pawl cu an hung chuak than cang. Naitan ah khah IS nih khrihfa minung pa20 an thah nak hna video cu social media chung an hun thlah tik ah a linsa ngaingai than cang.

Tutan video cu ralhrang channel pakhat a simi Amaq news channel nih an thlah. BBC nih an kherhhlai ning ahcun mithattu pawl hna hi nitlaklei Africa Province (ISWAP) in a chuak mi hna an si i Nigeria ram Borno peng chung ah an tlaih mi hna an si lai tiah an hmuh chuah.

Caan a dongh hlan tiang vawleicung ramkip um khrihfa vialte hna Jihadists cu a ra cang caah nanmah he ral kan tho lai tiah ralrin peknak bia an chim.

IS nih Video an thah mi hna hi then thum in an then mi hna hmuh khawh a si. An hmai aa huh mi minung pali nih meithal in an kah that hna. Then hnihnak an kah that hna hnu ah ralhrang pakhat nih kan unau pa khrihfa mi hna sin in a phu kan hlam lo chung cu zeitikhmanh ah kan i din lai lo tiah a chim.

BBC ning in cun A liamcia Febuary thla chung i Syria i IS chimphuannak ngeitu thahnak kong he pehpah in phuhlamnak kan tuah tiah IS nih khrihfa an thah mi hna a si.

A liamcia kum 5 lio ah khan khrihfa ngakchia pakhat Leah Sharibu cu sianginn a tinnnak Dapchi, Yobe pengah ah IS nih an rak tlaih i an rak hren. Islam ah a rak luh duh lo caah pehzulh in an rak hrem tiah BBC nih a rak thanh bal.

Tulio Nigeria chung i ralhrang IS pawl cawlcanghnak nih ram chung khrihfa mi pawl thinphang thlalau in a um ter cang hna. Tutan video social media chung an rak thlah mi hi ningcang tein kherhhlai a hau bak mi a si. US president Biden a kai hnu ahcun vawleipi khrihfa mi cu thinphang in um cio a si cang ko lai.Source-Christiantoday

Be the first to comment

Leave a Reply

Your email address will not be published.


*