Tuksapur Nihin Taungkyi Khuapi Thil Caan Cu Tuk A sum ko

Taungkyi khuapi Wapyia lam tonnak hmun thil caan cu tuk a sum ko tiah khuami pakhat nih a chim.

Shan ram Taungkyi khuapi Wapyia lamtonnak hmun ah mithi ruak pahnih nihin ah an hmuh. Nihin July 10 zing suimilam 6 am tluk ah Wapya lamtonnak hmun ah mithi ruak an hmuh mi hi an i velh ruangah namte i sawhnak in a thimi an si lai tiah an zumh hna.

“Mah hna pahnih hi hmunthur a char mi an si lai. An ruak hi namte hliamhma a um. Zeitik ah an i sik timi cu theih khawh an si lo. Ruak cu pahnih a um. Zingka tuan ah phinhki biakinn kan kal lawngah a thimi ruak hna cu kan hmuh hna” tiah khua chung nu pakhat nih a chim.

Cu vebantuk in thil zuar in kan i chawh lio ah kan hmuh ve hna. Kanmah nih kan ruahnak ahcun aa hngilh mi an si tiah kan ruah hna. Cuka hmun ah cun zu ri pawl an ih ton caah an i hngilh mi a si lai tiah kn ruah hna. Suimilam 6 am h u lawng ah an thih cu kan theih tiah an chim ve.

A thimi hna ruak i an hngawng ah namte hliamhma a um. An pahnih ning tein namte hliamhma a um. Cheukhat nih zan suimilam 10 tluk ah an ruak in an rak hlawt mi hna a si cang lai tiah an zumh.

A thimi ruak hna cu polik le ralkap nih zoh an sianh hna lo. Sizung motor in an rak lak hna i an kalpi hna tiah theih a si. Cheukhat nih an chim nak ah a thimi ruak pahnih hi tuthla July 7 ah ralhrang a dohtu mino pahnih a tlau mi hna an si lai tiah an zumh. A si nain tutiang ahcun a thimi hna cu zeibbantuk minung dah an si timi fiang in theih khawh an si rih lo.

Be the first to comment

Leave a Reply

Your email address will not be published.


*