Tuksapur Tihnung Havana Hotel pawngah Puahkehnak a chuak i minung 22 Thi, 60 leng hliamtuar

Havana Hotel ah Puahkehnak ngan taktak a puak i Minung 22 an thi i minung 60 leng sizung an phanh tiah theih a si.

Chokhleipar|May 7|2022

Cuba ram Minthang taktak Hotel pakhat ah tihnung a lianngan tuk mi puahkehnak a chuak caah a tlawmbik minung 22 bak te nunnak a liam lai i hliamtuar hna hi 60 renglo an si lai tiah theih a si.

Saratoga Hotel lenglei ah a dir mi tilawng pakhat meikangh in puahkehnak a um caah innlo dot tam deuh a rawkral tiah theih a si. Cucaah a tu ah hin puahkehnak a um ak hmun inntang ah a taap mi hna pawl cu chanhchuah tubpawl hna nih kawlhawl nak an tuah cuahmah lio hna a si.

A thimi hna chung ah hin naupawi lio nu pakhat le ngakchia pakhat an i tel tiah Cuba ram president nih a chim.

Hliamtuar minung pawl hna hi puahkehnak a umnak hmunhma naihniam pawng sizung hna ah an kalpi hna tiah theih a si. Cuka hotel cu kumzabu 19 chan lio ah rak sakcang mi a si i Minthang Actor le actress pawl an kal lengmang nak hmun a si.Ref: BBC

Be the first to comment

Leave a Reply

Your email address will not be published.


*