Tulio A Linsa tuk Mi Min Aung Hlaing le Nu Buainak

Min Aung Hlaing le nu kong. Min Aung Hlaing nih uknak a lak hnu ahhin nu lei kong buainak hi a tam taktak.

Ralkap chung ah a ummi nu pawl kha ralkap bawi pawl nih an sualpi hna i nau an pawi ahcun nau an phiat ter hna tiah thawngpang a chuak.

Cu lawng si loin palik chung ah a ummi nu pawl kha na bawi le nih an sualpi hna i nau an pawiter hna. Nau an pawi cun an phiat ter hna ti zong a si. Mual a phomi zong an um cang hna.

Cu lawng si loin raltuknak hmun ah a kalmi ralkap pawl an nupi le kha an bawi le nih an rak sualpi hna. Na va a thi cang tiah an hlen hna. Cuticun an bawi le nih an rak lem hna i an rak sualpi tawn hna ti a si. Mahhi buainak hi a ngan taktak mi a si i an mah ralkap chung ah buainak fak taktak a chuak mi a si.

Cu lawng si loin Kawlram nungak pawl kha Min Aung Hlaing nih ramdang a zuarter hna. Khoika ram ah a zuar ter hna timi theih a si lo. Cu phaisa cu Min Aung Hlaing nih ai lak ti a si.

Mah bantuk ramdang ah nu zuarter timi hi Kawlram ralkap uknak chan ah ralkap bawi pawl nih an rak hman tawnmi kha a si. Ramdang ah an zuan ter hna i phaisa kha ralkap sinah kuat peng a rak si.
North Korea ram hruaitu Kim Jong-un zong nih a rammi nungak pawl kha ramdang ah a zuar ter hna i phaisa hmuhnak ah a hman bantuk kha a si. Ralhrang bawi chia pawl nih an tuah tawnmi thil a si.

Ralhrang pawl hi raltuknak hmun an kal tikah nu tlaihhrem zong nawl pek an si. Mah duh mi thil poh fir khawh a si. Nu tlaihhrem zong ah zei hmanh dantatnak a um lo ti a si. Ralhrang nih nu tamtuk an tlaihhrem cang hna. Cucu dantatnak a um bal lo.

Min Aung Hlaing nih uknak a lak hnu ahhin Kawlram nu pawl hi an him lo taktak. Nu pawl fak piin harnak an tong. An mah ralkap chung nupi le zong fak piin harnak an tong hna.Credt-Thestar

Be the first to comment

Leave a Reply

Your email address will not be published.


*