Tulio Buainak Sri Lanka le Myanmar An I lawhnak le an i lawh lo nak

Atulio Sri Lanka le Kawlram dirhmun hi an i lawhnak pathum a um i, an i lawh lonak pathum a um ve tiah ka ruah. Cucu, keimah ka ruahnak le ka hmuhning te a si ve.

An i lawhnak ~Sri Lanka he Myanmar he Buddhist ram veve an si.

~Sri Lanka he Myanmar he ram sifaak veve an si.
~Sri Lanka he Myanmar he an cozah duh lo ruangah sandah an piah veve.

An i lawh lonak~Sri Lanka cu sandah a piahmi mibu pi kha an ralkap nih meithal in an kap hna lo i, Kawlram cu an kah hna caah an ralkap le kan ralkap an i lo loh.

Kawlram phungki khi thah cawk lo an si ko i, Sri Lanka zongah phungki tingnga le tingruk an um ti a si ve nain, cu chungah ”miochit” ee chit lo ee ti an um lo caah an phungki le kan phungki an i lo loh.

Sri Lanka cu an rammi nih kan in duh hna lo ti i, sandah an piah le cangka an President pa le an Prime Minister pa nih kan chuak lai an ti colh nain, Kawlram cu nikhat ah minung 100 lengmang in ralkap an thih ko bu zongah Min Aung Hlaing le Zaw Me Lung nih ”kanmah lo cun” an ti peng rih ko caah an cozah le kan cozah an i lo loh.

Asinain, a donghnak ahcun an i lo te ko lai dah!Credt-Perhkalh Thawng

Be the first to comment

Leave a Reply

Your email address will not be published.


*