Tulio Chin Miphun caah Tihnung Bik Ral pathum

Chin miphun nih ral ngan taktak phun thum kan ngeih hna. Chin miphun hi kan ral nih an kan kulh ti ko usih.

A tu ah siseh hmailei ah siseh Chin miphun nih ral ngan taktak pathum kan ngeih hna. Cu hnu cu Kawl ralkap le czoh, AA hriamtlai le ZRA hi an si hna.

Nichuah lei ah Kawl ralkap le Kawl cozah an si. Chak lei ah ZRA hriamtlai an si i thlang lei ah AA hriamtlai an si ve. Mah hna pathum hi Chin miphun caah hriamnam meithal in kah le doh a hau ding mi kan miphun an si hna.

A hmasa bik ah Kawl ralhrang le Kawl cozah hi kan doh ding mi hna an si. Cu hlan zong ah kan doh peng mi hna an si i a tu zong ah kan doh cuahmah mi hna an si. An mah hi biapi in chiah mi an si. Kum tampi an mah uknak tang lawng ah an kan chiah cang. Sal ah an kan chiah i an mah nih Chinmi tamtuk an kan thah cang.

Anmah Kawl ralhrang le Kawl cozah dohnak ding ahhin Chin miphun phaisa tamtuk zong a dih cang. Kan thisen tamtuk a luang cang i tampi nih nun kan pek cang.

Cu hnu ah ZRA an si. ZRA cu India ram i Manipur ramkulh ah a ummi Peihte miphun nih ralkap an dirh mi a si. India cozah he an i rem i India cozah nih ramri hngak ralkap ah a chiah mi hna an si. An hriamnam le meithal cu India cozah nih a pek mi hna an si.

Chin ramkulh Tedim peng le Tonzang peng khi kan ram an ti. Mah peng pahnih khi an uknak tang ah chiah an duh. Min Aung Hlaing nih uknak a lak kha cantha ah la in Min Aung Hlaing lei ah an tang. Mahhi chung ah Tedim peng el Tonzang peng khi an mah uknak tang ah chia kho ding in an i zuam.

CNA he zong voihnih an i kap cang. Hmai lei zong ah kah peng ding an si rih lai. Chin hriamtlai phu fonh CJDC nih ralhrang ah a pom cang hna. An ci hmih ding ah an chiah cang hna.

Cu hnu ah AA hriamtlai an si. AA hriamtlai nih Paletwa peng lak an timh. Chin ramkulh chung ah hmun a rem bik Paletwa cu Rakhine ramkulh ah chiah an timh. A tu zong Paletwa peng ah AA an khat. AA le Chin hriamtlai kar ahhin a rauh hlan ah kahnak a chuah te theu lai.

Cu hnu ah Chin miphun rawi in ralhrang lei ah a tang mi Dr. Ngun Cung Lian bantuk hi an si. Mah pawl hi cu pumpak an si i meithal kah zong hau loin kan in thah lai tiah ralrik pek ahcun an za ko. Ralrin pek i an duh hlei lo ahcun fimtawl tuan ding pawl an si.Credit-Chinstar

Be the first to comment

Leave a Reply

Your email address will not be published.


*