Tulio Hakha Khuapi Chung Ralrin Taktak Ahau, SAC Ralhrang Nih Tihnung Thil An Tuah Cang

Tulio hakha khua chung um mipi ralring taktak a hau. A hlan deuh nak in a tulio hi Halkha khua chung um ralhrang pawl an sual chin leng mang cang caah Hakha um mi na si ahcun a hlan nak in nai ralring deuh a hau cang. Kan hnulei hrawng cu kan mino pawl nih a thlithup in an kap ton hna caah ralhrang pawl zong an lau deuh i an um hmun lawng in meithal an puah.

Nain tucu kan mino pawl nih Khuachung kah an van i sum deuh tik ah ralhrang pawl nih phundang in ngian an chuah i an um hmun in meithal an puah ti lo nain chun ah an hrang ngai cang. Khua chung a vak mi pawl am phone le an cycle toolbox tiang check piak in lam tonnak kip ah an um tiah theih a si.

Nizan nai ah khan Hakha in Yangon lei kal aa thawh mi Hakha Mann motor aa citmi Nu Van Lawm Par cu ralhrang nih a phone an check piak tik ah CDF uniform he hman aa thlak mi an hmuh piak caah CDF he pehtlaihnak a ngeimi a si tiah an tlaih. Cucaah minobpoah a simi cu nan phone tha tein iralring uh law a tha lai. Cun a herh huha lo ah CDF tuan tung lo in uniform he hman i thlak hman tuk hlah uh.

Cucaah khuate lei in Hakha a kalmi nan si ahcun na phone chung ah ralhrang nih an duhlo mi poah tha tein zohfel hmasa peng ding a si lai. Mino tintan a tuah mi lebang nan si ahcun ralring tein nan phone chung ah zeihmanh chiah lo a tha bik. Cun ralhrang nih mi an checknak hmun poah hi a si khawh ahcun hrial khawh peng i zuam ding a si lai.

Nihin zong Halkha Myapat lam lei ah ke in ralhrang pawl cu an i chok len hna tiah theih a si.Hakha khua chung ah mino pawl nih kahnak a hun tuah lo tik ah ralhrang nih hin mi sawhsawh zumh lo deuh pawl tlaih khih ding in hmunhma an lak caah ralring tein um kal lengmang a hau. Si kho sehlaw Myopat lam le khualeng deuh ah i chawh ah hin cun mino pawl nih a caan te ahcun hei tlerh khawn pah ko hna sehlaw ralhrang an i chawhvah ning hi an i sum deuh lai tiah Hakha khuasa pakhat nih a chim.

Cun Ralhrang nih Hakha khua chung i mi pakhat an tlaih i thonginn an phanh pi hna tik ah fawite in an thlah fawn hna lo. Thongka tinghra-kul in an liam ter peng hna cah tlaihkhih ton bak lo tein mipi um kal lengmang a hau. Ralhrang nih phaisa an nei tuk ti lo caah a phunphun in lam an kawl cang hna. Tulio ralhrang an umtu ning hi tuak tik ah zeihmanh an tuah khawh mi a um ti lo caah mipi tu hnahnawhnak pek phunphai i an um cang. Hakha khua chung ka vak lai nan ti hrimhrim ahcun zeikhom a si poah ah tuchan cu phone chan a si cang caah phone chung ah ralhrang lei nih an duh bak lo mi hmanthlak poah hi cu thian zungzal a hau.

Ralhrang nih mi an check tik ah mino deuh an zumh lo deuh mi hna cu hramhram in tintan a tuah an in ti ko cu ta tiphun in mi thlerh an hmanh caah tintan a tuah mi na si zong ah na phone chung ah zeihmnh an hmuh lo a si ahcun tihlo tein zeihmanh ka tuah bal lo tiah chim chih a hau. A thei tak phun in mi an ti lengmang hna an ti caah chim sual lo ding in ralring tein um a hau tiah Hakha um mino pakhat nih a chim.

Be the first to comment

Leave a Reply

Your email address will not be published.


*