Tulio Hi Malaysia Bawlung Puai Tuah Alinsaar Ngai Le Ka Hmuh Ning Ka Vun Langhter Ve Tuah Lai”

“Tulio Hi Malaysia Bawlung Puai Tuah Alinsaar Ngai Le Ka Hmuh Ning Ka Vun Langhter Ve Tuah Lai”

Tulio hrawng Malaysia Laimi nih CDF/CNA/ IDP tbk bawmhnak caah Bawlung puai kan tuah mi chung in ka lung si deuh lo mi cu Bawlung Team tampi kan co hlan tung i a ni le caan a tawi tuk mi hi asi. Tawreltu hna ka mawchiat si lo in caan a um hringhran ve lo caah si ko lai.
A caan a tawi tuk caah thiam lo bu zongah Bawlung chuih an huam ve ruangah caan pek in le Phaisa zong dih in Bawlung a cinh peng ve mi hna Teamkhat ah minung 20hrawnghrang chungah Ninpiah nih a duh deuh mi minung 11 kha teinak duh tuk ruangah a dih tiang a chuihter hna caah a taang mi a zain pawl vialte kha an chuih manh ve tawn lo. Champion timi cu a thiam bik mi le a van tha bik mi Team nih an lak thiamthiam ko lai. Hi hnu ah cun kha bantuk Bawlung chuih caan tawite chungah teinak hmuh kan duh tuk asi ah cun a hlei in caan pek le phaisa adih ve mi a zain pawl hau lo in direct in a chuih tu ding minung 11 cio in i thim cia lawlaw hmanh kha a hna thiang deuh ko.

Cun Fundraising caah Bawlung puai tuah mi asi bantuk in teinak le Champion hmuh hi a biapi bik mi asi hrimhrim lo. Lungrual bu te in nuamhnak caah kan chuihti hna timi hi a pakhatnak ah kan ruah ding asi. Cu lo ah cun tei kan duh tuk cio ruangah Teamkhat le Teamkhat kar ah bia i alnak le i siknak tiang a chuahpi khawh lengah Teamkhat chung lila hmanh ah Caan kai pek ve, Phaisa zong ka thawh ve ko na in an ka chuihter duh ve lo timi lungtlinlonak tiang a chuak kho. Champion kan va co hmanh ah Laksawng a nganpi i ruahchanh awk khi a va um hlei lo.

Cu he pehtlai in Bawlung puai dih hnu ah Dainluci cungah lungtlinlonak tibantuk tete a um pah lengmang theu. Teinak a biapi bik asi lo bantuk in Dailuci nih athiam tawk in a tuan mi kha bia el len hau lo in kan zulh ding si ko. Cun naite Bawlung puai tuahnak ah kan nau pa pakhat cu caan zong kai pek dih ve ko na in an ka chuihter ve lo tiah ka pawngah a phunzai len caah ka lung tha ve lo. Cucaah Bawlung a chuih ding mi chungah a zain zong cu um phung asi ve ko na in a tu lio caan bantuk ah hin cun voidang Bawlung puai he ai khat lo timi kan thleidan thiam ngai ngai a hau i nuamhnak in Bawlung kan chuihti mi hna si ko timi lungput he kan dihlak ai tluk ruang deuh te in kan chuih dih khawh kha abiapi bik mi cu a siko tiin ka ruah.Credit-Salai Pakhia

Be the first to comment

Leave a Reply

Your email address will not be published.


*