Skip to content
Home » Tulio Laitlang lei thawngpang ka theihmi cu, “Apoi, apoi, apoi” ti hi a dih kho ti lo

Tulio Laitlang lei thawngpang ka theihmi cu, “Apoi, apoi, apoi” ti hi a dih kho ti lo

Tulio Laitlang lei thawngpang ka theihmi cu, “Apoi, apoi, apoi” ti hi a dih kho ti lo. “ Apoi” in a dong ko. Apoi tak a si.

Apoi tukmi cu, Kum 8 ngakchia pin thang ti lo ahcun, Tlangval si in, nupi thit, inn dang chuah in mahte khuasa-tumtuk cu a si khawh lai, timi ka ruat ah ngai a chia.

Kum 8 hrawng ka rak si lio ahhin Ka Pu nih a namttawm a rak thuh peng. A lak sual lai i, amah le amah aa at sual lai timi a rak phan caah a si. Voi khat cu, Ka Pu nih Lo vahnak namtawm, har taktak in a tahmi cu a tli tein a thuhnak ah ka rak lak i, ram lak ah Ka hawile he kan kal. Lengke kan rak saih. Ka rak iat taktak I, ka thi le ka hma he inn ah ka rak tlung.

Namtawm a harmi pek ding ahcun Kum 8 Minung cu ka rak ngakchia tuk. A har/ sharpen tukmi Namtawm kha a herhnak ah ka hmang thiam naisai lo. Keimah le Keimah i ah-nak tu ah a rak cang. Apoi ko.

Chin miphun hi Kum 8 ngakchia tluk lawng maw kan si peng rih? Tulio kan sining ahhin, Automatic meithal a thami pek ngam hmanh kan si rih ttung lo, ti awk in kan um. Mah le mah i ah peng, thi le hma he zeitidah kan chungkhar le kan Miphun caah a thahnemmi kan chuahpi khawh lai? Khuaruah deuh kan hau in a lang.

Kum 8 ngakchia khi, ziah Kum 8 na si peng e, timi pinah a tlangval colh ding a si hlei lo tikah, Cucu a poinak a si. Kan rak ngakchia tuk rih ko rua mu, tuzan tal cu ihngilh in, Thaizing tal ah Kum khat kan upa deuh hnga maw, khua kau deuh in ruah kan hau. Credit-Zasang Cinzah

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo