Tulio Nungak kum 16 Pawl An Zer Nak Kong An ka chimh

A chan nih a ngeih cang i tulio nungak no kum 16 pawl hi an raltha ngai cang hna. An kum khua he tluk lo in pasal ngeih an ngamh cang. A ruang cu zeihmanh khua tuaktannak an thei rih lo kan ti lai maw> Cucaah kum16 ngaknu no nih pasal na ngeih tik ah na ruah lo lengpi in a cang kho mi thil a um caah a tanglei bantuk in na rak ruahthan nak ding caah tlawmpal te ruahnak ka hun tial ta lai.

Kum 16 ngaknu no pawl nih ruahnak ahcun a caan a phanh ahcun pasal ka ngeihte ko lai i ka pasal nih a ka cawm te lai tiah ruahnak a ngeimi tampi an um. Nu poah ti duhnak a si lo. Cheukhat ngaknu no pawl ruahnak ah. Nain a si lo. Tuchan tlangval pawl thinlung put ah zeitindah a um timi cu hlanchan he ai lo ti lo.

Hlanchan ahcun pasal nih cawm ding phun in nungak an rak thit. Nain tuchan tlangval pawl thinlung ah a um mi cu zeitindah a hlawh i zeibantuk riantuan dah a si timi tiang in nungak an zoh ve cang. Cucaah nungak no pawl nih ka pasal nih a ka cawm te ko lai timi ruahnak in pasal ngeih nai tim ahcun pasal na ngeih hnu ah harnak na tong kho.’

Cheukhat tlangval pawl cu nupi an thit hnu ah ei ding lawng hmanh si lo in zu he kuak lei tiang in an nupi le nih an cawm mi hna tampi an um cang. Pasal ka ngei lai i rawl ka chuan lai nau ka umh lai ti menmen ruahnak in pasal ngei nai tim ahcun pasal na ngeih hnu ah nai ruahchan lo ning in thil a hung caan sual ahcun lohtlau na si lai kha kum 16 ngaknu no na si lio in nai ruahcia a hau.

Thiamnak pakhat pakhat maw cawnnak pakhatkhat maw na ngeih hmasa hnu ah pasal ngeih i timh hi thiltha a si. A ruang cu ka pasal nih a ka cawm te ko lai timi rumro in pasal na ngeih ahcun na pasal zong nih zei ah an rel lai lo. Cun thiamnak pakhat khat ngeih hnu ah pasal ngeimi na si ahcun na pasal zong nih an upat lai

Biatlang komhnak ah tuchan ngaknu no pawl ruahnak ahcun pasal ngeih hi fawituk in an ruah. A ruang cu pasal nih an kan cawmte ko lai timi ruahnak an ngei caah a si. Cu bantuk in ruahnak ngeih si lo in hmailei pasal ka ngeih tik ah zeitindah chungkhar kan dirh lai thiamnak pakhatkhat ka ngei maw timi ruah hnu lawngah pasal neih i tim cio hna uhsih tiah keimah nih kan sawm hna.

Be the first to comment

Leave a Reply

Your email address will not be published.


*