Tulio PDF Pawl Hi Ralhrang Nak In An Sual Deuh, Hmailei ahcun Mipi a kan thattu an si than te lai.

Tulio PDF Pawl Hi Ralhrang Nak In An Sual Deuh,
Hmailei ahcun Mipi a kan thattu an si than te lai.
By ~Bawi Tha Bik
Tuzarh chung ah Hakha le Falam karlak ah CNA kan ralkap pawl hna nih khuatlawng an hro hna i r addlkap nak in kanmah Chin mi ralkap tih an nung deuh timi capar a chuak caah kan hnu nai i ka va hmuh ton mi kong tlawmpal vun tial ka duh ve ko.

Kan hnu thla chung ah khan kapu a dam lo ngai i Yangon sizung kal ah ka va zulh. Hakha in kan i thawh i chuahnak gate cu ralhrang uico pawl nih phone an check len hna an ti ton caah an kan check ve te hnga maw tiah ka thinphang ziar. Nain zeihmanh an kan check lo. Ralhrang pawl cu ka ruahnak leng piin an rak tha ti in ka hmuh hna.

Sau nawn kan hun kal hnu Gankaw kan hun hlan hlan deuh khan PDF pawl an rak um i kan motor cu an dir ter. Kan phone an check ning cu khuaruahhar ngai khi an si. Tlawmpal kan hun kalthan i ralhrang pawl nih check a um lo. Hmanhpungtin nan i ken maw ti cio khi a si ko. Nain kan PDF pawl sn phone check le an thil check a tam khawh ning cu mi ai an puanh tuk ning cu a mak. Culawng si rih hlah e kan kan hro ning tih an nun khawh hna ning cu ka thin. Kan kalti mi chung in Mino pakhat lebang cu an meithal bawm hna i an sawh chih. Dalan hrem le hro bantuk in an kan tuah. Ka lungfah ning cu. Nawlngeihnak hmanh an va ngeih rih hlan in hitluk in mipi an kan hro le an kan tlerh ahcun tulio ralhrang bang in nawlngeihnak an kut cung um sehlaw tihnung taktak an si bak lai.

Khuaika zawn dek a si. A hmun kha thathi in ka hngal lo. Cuka hmun i PDF nih an kan check lio ah motor dang fa nawn khi a ra i PDF nihcun dir tiah an kut an piah rua. Driver nih an kut cu rak hmu hlah kaw duhsah nawn te khan a kal. PDF pakhat nihcun a meithal cu liklak ai lak i a kah ko. A meithal chia le chia lo in. Nain a kheng hna lo. Mizaw a rak phur mi motor a rak si. An kan hri ning ka vun tuak i an muihmai ka zoh hna khan ka lungchung a hung chuak mi cu tuhnu kum 2-3 ah hi ralhrang hi kan tei hna lo ahcun tulio PDF le CDF cheukhat hi tapung Damiah ah an i chuah dih te ko hna lai i ralhrang SAC nak in mipi caah tihnung deuh an si tung lai timi ka lungah a chuak. PDF an zate in ka ti duhnak an si lo. Cheukhat PDF pawl hi cu hmailei ah mipi a kan that than tu an si te ko lai.

A ruang cu mipi ven dingah hriam kan tlai an ti nain cheukhat an lungput zohtik ah meithal aa tlai mi kan si ko caah an kan ti ngam lai lo timi lungput an ngei. SAC ralhrang hna hi rampi ralkap institution pakhat pi an si tik ah tulio PDF nak in an sual lo deuh. An ziaza a tha deuh. Cunglei an bawipawl nih hramhram in thil an tuahter hna i ritsii maw pakhatkhat an pek hna ruang an mipi hrem le thah an hman hi a si. A ngai te ti ahcun an mah khi an tha tuk ko.

Nain tutan kan mino pawl an lungput hi zohtik ah cunglei an bawi pawl nih thatein an cawnpiak mi hna le mipi harnak nan pe hna lai lo timi cawnpiak ko hna bu ah mipi an tlerhkhawn ning le an kan hri ning zoh tik ah Damiah le Tapung nak in sn sual deuh. SAC ralhrang hmanh hi tei uhsih law tulio kan PDF le CDF pawl nih an kan hrem rih te ko hnga lo maw timi hi ruahlo awk an tha ti lo.Credit- Bawi Tha Bik

Be the first to comment

Leave a Reply

Your email address will not be published.


*