Tulio Thantlang Ralhrang Uico Pawl An Dirhmun

A tulio Thantlang ralhrang pawl an dirhmun. A tulio Thantlang ah a ummi ralhrang pawl hi an vansang ngaingai cang ti a si.

Thantlang sakhan in khuachung tlawmpal lawng an kal ngam cang. Nain naitan kha thlanglei i CNA le CDF an um mi hna khi thawl ding phun in cunglei nih an fial hna caah an ngamh lo bu tein an kal hnawh hna khi a si. Cunglei nawlpek nak kha el awk a that lo caah tih bu tein an kal nak kong kha anmah ralhrang chungkhar naihniam sin in theih a si. Nain CNA le CDF nih baitak deuh in an hun phomh hna caah pahchih ngam lo in hnu an pil than hna.

Thangtlang ahhin a hlan deuh ah khan ralhrang minung zahnih leng kai an um lai tiah ruah a si i mahhi chung ah CNA le CDF nih minung a za dengmang hrawng cu an thah cang hna i minung a za leng hrawng hi a tlawm bik an si lai tiah ruah a si.

Thantlang khuapi ummi mipi an zam dih cang hnu khan cu Thantlang khua ah a lutmi ti kha an phih dih. Kawl ralhrang pawl zong hi ti loin an um. An rak i khon ciami ti kha a tu an hman mi a si lai tiah ruah a si.

Tirawl zong hi an rak i khon ciami le mi facang an firmi pawl an ei lai tiah ruah a si. Ralhrang nihcun an duh mi dawr poh kha an boh i thil an fir caah rawl kong ahhin cun an buai tuk rih lem lai lo.

A tutiang ah hin ralhrang cunglei nih ti le rawl hrim an chanh khawh ti hna lo caah CNA le CDF nih biatak innkan thih le thih nun le nun ti in an sakhan khi dum hna sehlaw Thantlang ralhrang pawl hi a sung an khan cang ko lai. An sungkhan manh hlan deuh ah ralhrang nih vanlawng in a bawmh hna dah ti lo cu biatak in an dir ngam ti lai lo tiah zumh an si.

A ruang cu tutiang CNA le CDF nih an kah lengmang hna caah an ngeih mi kuan e zwn zong hi suimilam pakhat kah ding an ngei ti lai lo caah an i thim awk cu a sungkhan ding lawng a si cang ko lai tiah ruahdamh a si cang.

Be the first to comment

Leave a Reply

Your email address will not be published.


*