Tutan Cathanh An Chuah mi Zulh Lo bak ahcun tihnung ko cang lai

Htilin peng chung ah a tuhnu thlakhat chung i Internet lune le Phone line nan kan on piak than lo a si ahcun phone Tower vialte kan hrawk fih cang lai tiah YDF nih ralhrang ralrin an pek taktak cang hna.

Chokhleipar| May 12|2022
Febuary nikhat ralhrang nih uknak an lak hnu i rampi hruaitu pawl tlaihkhih le phungning lo in uknak lak ni thawk in Htilin peng chung cu Internet cu rikhiah piak in on piak kantong i thla9 a rauh hnu ahcun Rikhiah mi pinlei ah Internet line a phiat bak in phiat piak kantong i a tu cu thla 8 chungah kan lut cang.

Htilin peng chung Area 50% hrawnghrang nih hin phone line anngah i ralhrang uico pawl ralram an hun kal poah ah line phiat piak kanton lengmang caah mipi pawl harnak kan tong.

Pehtlaihnak company pawl nih rawl petu mipi mithmai zohlo in ralhrang uico pawl duhning zoh in Phone line phiat internet line phiat ( Consumer rights) nan tuah caah cu bantuk nan thiltuahcu khulrangin ngol uhlaw Htilin pengchung vialte internet line rak onthan zawk uh tiah
People Defence Force Htilin (Yaw Region) nih halnak an tuah cang.

Hi halnak tuahmi hi nihin May 12 thawk in thlakhat chungah internet line le phone line vialte kan ngah than lo a si ahcun Htilin peng chung vialte i Phone tower vialte kan hrawk dih citcet lai i nihin raldohnak ah kanhman dih cang lai tiah People Defence Force Htilin (Yaw Region) nih cathanh an chuah cang.
PEOPLE DEFENCE FORCE- HTILIN

Be the first to comment

Leave a Reply

Your email address will not be published.


*