Tutan Cu Uico Min Aung Hlaing a zei lungdah a chuak hnga an ti

Uico Min Aung Hlqing sawmnak thawng in UN Special Representative cu Myanmar ram ah a ra kho cang lai tiah theih a si.
Chokhleipar 28| 05 | 2022
Myanmar ram kongkau ah rian khinh mi UN Special Representative Noeleen Heyzer cu Uico Min Aung Hlaing nih Myanmar ram rak tlawng ding in a sawm caah a tu hi rat ding in a tim tuah cuahmah lio a si tiah theih asi.

Myanmar ram a rat hlan ah UN Special Representative Noeleen Heyzer cu a tulio Asean Okathah tuanvo a latu Cambodia vunkyichoh Husan he Swizerland ram Davos ah May 22 in 26 tiang tuah mi World Economic Forum ah tonnak an ngei tiah reuter thawngzamhca nih a tial.

Hi tonnak cu Cambodia vuncichoh Husan nih Myanmar ram kongkau he pehpah in a dirhun zeidah a si timi hngalhnak caah a ton mi a si tiah zumh a si.Ralhrang uico pawl cu vawlei cung rampi hmai ah hnawl an si tik ah an mithmai a bi tuk cang caah an hlan deuh i an rak luhter duh lo mi UN Special Representative Noeleen Heyzer cu a tu bantuk in an sawm than mi a si lai tiah ramkhel thiamsang hna nih an chim.

A ngaite tinahcun naitan May thla chung i Asean meeting zongah ralhrang uico pawl nih UN Special Representative Noeleen Heyzer cu iteltum ve lo ding in an rak kham duh mi a si cang. Nain tutan cu vawleipi hmai ah an mithmai a bi tuk cang caah a tu bantuk in kan sawm ahcun kan lam a um deuh hnga maw tiah ruahchannak he an sawm mina si lai tiah ramkhel thiamsang hna nihcun an ruah mina si.United Nations Myanmar

Be the first to comment

Leave a Reply

Your email address will not be published.


*