Tutan Min Aung Hlaing Biachim Cu Aa Phundang Ngai ko e

Ramleng chuak Myanmar rammi hna nih Rampi cung dawtnak ngei lo in Rampi rawkral ding in a phunphun in an tuah tiah uknak chuttu Min Aung Hlaing nih a chim.

Chokhleipar | May 6 | 2022
“Ramleng chuak Myanmar rammi mino hna hi rampi cungah dawtnak thinlung ngeih ti lo in rampi tu rawkralnak a phunphun in an tuah cang” tiah uknak chuttu Uico Min Aung Hlaing nih a chim.

Ralhrang uico Min Aung Hlaing cu May ni 5 Naypyidaw ah tuah mi Ralhrang Vunci thanah 3/2022 meeting ah a kuttang riantuantu Vunci hna sin ah a tu bantuk in a chim hi a si.

Ralhrang uico nihcun tulio Myanmar rammi mino hna nihin Rampi dawtnak thinlung an ngei ti lo mi hmuh khawh a si, cun raeng chuak myanmar rammi mino pawl nih hin ram chung thil sining tak hi fiangte in theih tung lo in rampi rawkral nak ding caah a phunphun in an tuan hna mi zong hmuh khawh a si fawn. Cucaah myanmar rammi mino pawl sin ah hin rampi dawtnak thinlung an ngeih khawh nak ding caah chim cawnpiak an hau tiah a telh chih.

Culengah mino pawl an thinlung put thatnak le an fimthiam nak ding caah training ti bantuk tuah piak le MRTV le Myawaddy tv hna chung in fimcawnak an ngeih khawh nak ding caah chuah piak an hau tiah a chim chih fawn.Source: AyeyarwaddyTimes

Be the first to comment

Leave a Reply

Your email address will not be published.


*