Tutan Min Aung Hlaing Meeting Chung I A Biachim Cu A Phundang Ngai E An Ti Cio Mi

Min Aung Hlaing Nih Federal in Myanmar cu a kalpi tak cang ko lai.

Chokhleipar 16/June/ 2022 June 16 SAC ralhrang Uico pawl meeting tuahnak ah ralhrang hruaitu Min Aung zaing nih Myanmar ram cu Myanmar rsm he aa tlak mi Federal ukhruai ning in kan kalpi lai tiah a chim.

Federal timi hi a tuletu chim bantuk in kan chim a si ahcun ukhruainak he aa pehtlaih mi tuahnak nawlpek nak he aa pehtlaih mi kha i cheubauh a si ko. Zeitindah pengkomh kan tuah lai i peng kan tuah lai ti bantuk ramkomh kan tuah lai tibantuk a si ko cuh.

Cu si ahcun mahte khuakhannak hmunhma si ahcun zeitindah kan tuah lai? Ramkulh komh nih zei a tuah lai, tibantuk kha kan i thencheu hna lai. Mah bantuk pawl cu ai tlukruan tein kan i then ko hna lai cuh. Awlei cung ramkip i federal pawl zong hi ramkhat le ramkhat an i lo cio lo bantuk in kan nih zong Myanmar ram he aa tlak ning in kan hman ve ko lai tiah a chim.

Myanmar ram chung ah hin Federal kong hi chim lengmang a si ko nain ralhrang lei kap zong nih zeibantuk Federal model kan hman lai timi an langhter bal lo bantuk in tlangcung miphun pawl zong nih zeibantuk federal model kan duh timi zong fiang set in an langhter bal lo tiah Rakhine ramkhel pakhat U Phe Tan nih CNI ah a chim.

U Phe tan nih” Federal timi cu an chimnak a sau ngai cang. Nain anmah lei zong ni tlangcung miphun pawl an duhmi federal phun dederal kodel phun langhter a um bal lo. Tlangcung miphun lei zong nih kan nih mah bantuk federal model kan duh timi langhter a um ve lo. Cu caah anmah ralhrang nihcun anmah kum sauh deuhnak ding caah an chim lai ta. A tak zongah anmah nih an tuah kho rih hlei lo. Anmah nih an pekmi federal phun zong cu tlangcung miphun pawl zong nih an duh hmanh an duh hnga maw? A bik in EAO pawl nih an duh hnga maw” tiah a chim.

Myanmar ram chung ah kum 1948 kum zalonnak kan hmuh nak in Fderal ramkulh komh kan dirh lai tiah ra i zuam len a si ko nain nihin tiang tuah khawh a si rih lo.

Nihin ah cun Ralhrang uico phu pawl nih India, Australia ram hna i Federal system hrambunh mi an duh i tlangcung miphun hriamtlai phu pawl hna nihcun American, Canada, Swezerland ram hna pawl i federal hrambunh an duh.

Kapkhat lei in Rakhine hriamtlai AA ralkap le WAH(UWSA) hna nihcun federal nak in Confederation system dirh an duh ve.

Be the first to comment

Leave a Reply

Your email address will not be published.


*