Tutan Min Aung Hlaing Nih A Ralhrang Pawl A Hlen Hna Ning a Fak ko

Min Aung Hlaing a sungh tuk cang caah a ralkap pawl umnak camp kip ah a tanglei bantuk in hlennak a tuah cang hna. Cheukhat nihcun an i zumhsual te hnga dek maw.? Nain ralhrang lungfim pawl nihcun an zumh nemman ti lo tiah thawngpang a chuak.

Ralhrang chungkhar CdM a tuahmi pawl kahthah an si tiah Video hlentawi ak a tuah piak hna i ralhrang chungkhar kip ah Video in hlennak a tuah hna. Cun amah order peknak in ralhrang bawi pawl le ralkap pawl hmunkhat ah rawl eiti nak hna hehcheh tiah a tuah piak hna tiah ralhrang chungkhar sin in thawngpang a zut.

Okarihthah sakhan kahnak ah ralhrang cheukhat mihrut pawl tlaih an tong i CDM tuah duh lo in a bia a hrang mi pawl kahthah a tong mi hna pawl Video le hmanthlak pawl cu CDM a tuahmi ralhrang an si tiah ralhrang camp kip ah a hlennak hna tiah ralhrang chungkhar nih a thli tein an phuang.

Tuhnu ralhrang pawl CDm nan tuah a si ahcun video chung bantuk in an in kahthah hna lai tiin ca he hmanthlak le Video he a piah piak peng hna. Cun CDm nan luh i kahthah nan si lo hmanh ah harnak an in pek hna lai yiphun in an cawnpiak hna. Ralhrang chungkhar nih lungrual tein kan tangti hna lai. cDM timi cu zeihmanh promise a um lo mi a si caah nan tuah ahcun nanmah tu harnak an in pek ko lai timi hlennak in an cawn piak hna.

Cu vanral lei ralkap pawl zong meeting an tuah hna i tamleng lei in an chuah mi thawngpang pawl ralhrang kan thihnak an tarlangh mi pawl nan zum lai lo a diklo mi lawngte an thanh tiah an cawnpiak fawn hna. Lenglei thawngpang nan zumh bak lai lo. Cun ralhrang chungkhar pawl lengah chuahnak nawl nan nei lo an ti rih hna nak kong cu ralhrang chungkhar lila nih an phuan viar.

Cun Min Aung Hlaing order peknak in ralkap chungah mi zeihmanh a sang deuh le a niam deuh kan um lo tinak ah ralhrang bawi pawl le ralkap zei huaha lo tiang pawl aa rual tein rawl eiti nak hna atuah ter cang hna. A tubantuk in ka tuahter hna ahcun ralhrang nih a sangdwuh zong um lo in kan i tlukruan dih tiah ruah hna seh tiin phundang in idea a chuah tiah theih a si. Ref-Khitthit

Be the first to comment

Leave a Reply

Your email address will not be published.


*