Tutan Min Aung Hlaing Nih Mipi Sin Bawmhnak A Hal Cu Khuaruahhar A Si Ko Cang

Min Aung Hlaing nih mipi sin ah bamwh halnak a tuah cang. Uknak a lak kum khat le a cheuba si cang nain zei huaha a tuah khawh ti lo caah bawmhhalnak a tuah lehlam cang ko hih.

Min Aung Hlaing nihcun a ra laimi kum 2023 ah thimnak kan tuah lai. Thimnak kan tuah khawhnak hnga caah mipi nih nan kan bawmh a hau. Mipi nih nan kan bawmh lo ahcun thimnak kan tuah kho lai lo.

Kan ram hi dai tein a um lawng ah thimnak kan tuah lai. Kan ram hi dai tein a um khawhnak hnga mipi nih nan kan bawmh ding kan tuah. Kawlram ah a dikfel mi thimnak le tlukfuannak thimnak a um khawhnak hnga mipi nih nan kan bawmh a hau tiah Min Aung Hliang nihcun nizan ah khan a chim.

Ralhrang nih uknak alak hnu ah ram chung dai cu chim lo. A buai chin lengmang caah Min Aung Hlaih nih aa tinh mi thimnak hi a tuah kho te bal lai lo tiah minung tampi nihcun an zumh. A tuah khawh hmanh ah a dikfel mi thimnak a si bal lai lo tiah an zumh fawn. A phunphun in ralhrang nih thil an tuah. Covid sii chunhnak hna an tuah i lentecelhnak puai hna an tuah.

Ralhrang nih uknak an lak kum khat chung ah Kawlram pumpi cu sifahnak in a khat i buainak in a khat. I kahnak le thahnak in a khat. Bomb puahnak in a khat cang.

Ralhrang nih uknak an lak hnu ah Chinram chung ah ralhrang thongkhat leng an thi cang i thong tampi hliam an tuar cang. Kawlram pumpi cun ralhrang a thimi le hliamtuar mi hi an tam taktak ti a si.

Min Aung Hlaing nih kum 2023 August thla ah thimnak kan tuah lai an timi hi ramkhel thiamsang pawl nihcun an zum lo. A ruang cu ramchung hmunkip ah buainak a tamtuk caah kan ram a buai tuk tiin thimnak hi an tuah duh bal lai lo tiah zumh cio a si.

Be the first to comment

Leave a Reply

Your email address will not be published.


*