Tutan Ralhrang pawl tinnak an ngei mi cu phundang ngai a si ko cang e

UEC nih Taluk sin ah thimnak tuah timh mi kong Tuthla April 20 ah chimphuannak a ngei tiah theih a si.

Kum 2023 ah Myanmar ralhrang phu nih thimnak tuah khawh nak ding UEac chairman U Thein Soe nih Taluk special envoy Mr. Chan Hai he tonnak ah hrialfial nak a tuah.

Nihin April 20 UEC chairman nih taluk special envoy Mr. Chan Hai he tonnak an nei hna. UEC chairman Thein Soe nih Umtulio UEC nih kum 2023 caah thimnak ding timhtuahnak an ngeih ning cang thimnak tuah khawh nak ding caah phungphai tuah khawhnak ding caah timhtuah mi pawl le cazin an khawmhsuat ning ke ramkhem party pawl cazin annlak mi pawl kong taluk special envoy Mr. Chan Hai sin ah chim fiannak a tuah.

Cu hnu ah Mr. Chan Hai nih ralhrang nih an timhtuah mi tuan ding phun nga le aa tlak ning le ramkhel party pawl kongkau he pehpah in biahalnak a tuah ve hna tiah theih a si. UEC nih kum 2023 August thla chung ah rampi thim fung thlak ding in thanhnak a tuah hnu ah thimfung thlak ningcang cu PR system kan hman lai tiah thanhnak an tuah cang.

Hi kong he pehpah in tulio ramkhel thiamsang tampi hna nihcun Ralhrang pawl nih hi thimnak kong an thanh mi hi phung ning a si ti lo lengah anmah ralhrang pawl nih Myanmar tampi uk khawh nak ding caah an timh tuah mi a si cang caah rammi tampi nih cun thimfung an thlak duh ti lai lo tiah zumhnak an ngei cio.Source-CNI

Be the first to comment

Leave a Reply

Your email address will not be published.


*