Tutan ram pumpi dothlennak ah AA an i tel huam lonak hi Suu Kyi ruang ah a si.

Tutan ram pumpi dothlennak ah AA an i tel huam lonak hi Suu Kyi ruang ah a si.

Kawl ralkap nih uknak an lak hnu ah AA hriamtlai cu dai tein an um. Uknak an lak hlan ah khan cun Kawl ralkap le AA hi fak taktak in nifatin an rak i kap.

Kawl ralkap nih uknak an lak hlan thimnak an tuah lai October thla khan cun an i kap ti lo. Nikum October thla khan cu an i kap ti lo. Rakhine ramkulh ah tlamtlinh tein 2020 November 8 thimnak um seh ti an duh ruang ah a si.p

Sinain NLD cozah hruaimi UEC nihcun Rakhine ramkulh peng 8 ah thimnak an tuah duh lo. A buai i a him lo tiah an ti. AA le ralkap nih a him ko thimnak tuah ko uh an ti nain NLD hruaimi UEC nih thimnak tuah an duh lo i thimnak an tuah thai lo.

NLD cozah chan ah Rakhine ramkulh chung ah Kawl ralkap le AA biatak tein an i kah lio ah khan Suu Kyi nih Kawl ralkap pawl cu AA cihmih ding ah nawl a rak pek hna. AA cu ralhrang tiah Suu Kyi nih a rak hman.

Kawl ralkap bawi pawl Rohinya kong ah ICJ ah Gambia cozah nih taza a rak cuai lio hna ah khan Suu Kyi cu ralkap dirpi ding in ICJ zung ah a mah pumpak bak a rak kal i Rakhine ramkulh thil cang kong cu ralkap lei an thian khawhnak ding in a rak chim.

Mahhi thil pathum ruang ah AA le Rakhine mipi cu Suu Kyi cung ah nihin tiang an i cenet kho lo. Rakhine miphu cihmih a kan timtu cu Suu Kyi hi a si tiah an ti bak.

Kawl ralkap zong kan ral, Suu Kyi zong kan ral tiah an ti. USDP zong kan ral, NLD zong kan ral tiah an ti hna.

Cu ruang ah tutan ram pumpi dothlennak ahhin AA cu an i tel huam lonak a si. Kan hnu nai te ah AA le Kawl ralkap cu voihnih an i kap nain biaruahnak an ngei kho than.

Mipi nih Kawlram ralkap uknak hi tei usihlaw AA le Suu Kyi kar ah zei bantuk thil dah a cang lai timi hi ruah awk a um ngai ko. Rakhine ramkulh hi Federal State a pe duh hna hnga maw tihi ruah awk a um. Federal State a pek duh hna lo ahcun Federal Army le AA kar ah kahnak fak a chuak than ding dirhmun khi a si.

NLD cozah chan lio ah Rakhine ramkulh kong ah Suu Kyi a dirhmun le a biachim a ruah ning kha cu a rak i palh taktak mi a si ko.Credit-Thestar

Be the first to comment

Leave a Reply

Your email address will not be published.


*