Tutan Salai Lungthli Tum Nih Cozah Tender Le CDM kong A Chim Mi A Dik Bak Mi A Si

Laitlang ah cun sehzung factory hna a um ve lo caah cozah riantuan hi a biapi taktakmi Laimi pawcawmtu a si. Nain, atu cu ‘kan in cawm hna lai’ timi biakamnak hnu ah 80% leng nih an rian an kaltak, pawcawmnak rian ngeilo ah an i chuah.

Cozah tender zong nih rian tam ngai a kan pek tawn. Nain, tender tuan lo ding tiah nawl an chuah caah hohmanh an tuan ngam ti lo, kuli tuan awk hmanh a har cang.

Income loin thlali nga tiang cu i hnek khawh asi ko hnga, nain a kum in a vun rau cang hlei ah kum zeizat a rau rih lai timi hohmanh nih kan chim kho lo. Fale hmanh muthai cawk piak khawh lo dirhmun ah saupi khuasak ding cu a fawi bak lai lo. Rian tthing ah lut than hlah u tiah tlerh le warning pek lengmang a si fawn. Zaangfak tuk an si.

Kan khuaram ah nifatin chuankhin awk hmanh kawl a har tuk cang hnu cun sau deuh khuasak ding an ruat kho cio ti lo ruang ah kan mino tam taktak ramdang an kal cio hi a si. Aho zong nih a forh hna lo, thlauh awk thami zong si lo —kan ram ah pawcawm a har tuk cang ruang ah a fawi deuhnak hmun an panh ciomi a si ko. Credit-Salai alungthli Tum

Be the first to comment

Leave a Reply

Your email address will not be published.


*