tutan Ukriane vs Russia War ahhin Putin thinlung a thleng khotu cu Russia Mirum pawl lawng hi an si

Ram hruainak in the Soviet Union roco tu cu Vladimir Putin a si i, Chawva lei in roco tu cu Russian oligarch an timi, Russia mirum pawl hi an si.

Theitlei ah tuanbia umtuning tawite von thai ning law, Soviet Union aa thawknak hi, Century-old Russia Empire dotu, Vlidimir Lenin hruaimi Russia Revolutionary pawl nih an dirhmi Cozah a si.

Siangpahrang chan ahcun, Siangpahrang le mirum nih chawva le politics vialte an control dih tikah, a rummi an um chin. Sifak in a chuakmi cu sifak peng a si ko tikah, vawlei cung ah tluk-ruangnak a um khawhnak ding ahcun, community bassed i uknak, communism hi a herh tiah German philosopher Karl Marx nih “The Communist Manifesto” tiah a rak ttialmi cauk pante nih an thinlung a rak lak cio hna.

Soviet Union chungtel a si balmi ram 15, Ukriane tbk vialte khi anmah lung tho tein Russia Revolutionary ah a rak ifawnh i, Soviet Union dirh ah a lung a tlingmi lawngte an rak si. Soviet Union an dirh ning cu, February Revolution timi 1917 ahhin an siangpahrnag Nicolas II cu an rak thlak khawh i, Russia Provisional Government timi a rak dir. An cozah thar cu thathi in a kal kho lo i, tlawmpal ah October Revolutionary timi a chuak than i, cu nihcun, Soviet Union cu a hrin. an hruaitu hi Vladimir Lenin a si.

Vladimir Lenin thih hnu, Joseph Stalin than ah WW 2 a chuak, German ral cu US, UK, Franch le Soviet Union ibawmh in Hitler cu an phawmh i, Berlin khua cu an lak. German ram chuahtak kha an duh cio lo caah, Soviet Union ralkap pawl umnak, Berlin East Soviet Union hruaimi, Communist tang ah an um i, Berlin West cu US, UK le Franch hruaimi Democracy tang ah an um. Democracy in hruaimi West kha an thangcho thluahmah i, Communist in hrtuaimi east kha an si a fak. Cucaah, East lei ah a ummi German pawl cu million in West lei ah an itthial thluahmah caah, Soviet hruaitu nih itthial kholo ding in, Berlin Wall cu an sak i an congh. Berlin khua lai fang ah Wall cu kum 28 chung a rak hmun. ‘

Joseph Stalin than in, Soviet hruaitu a hnubik, Mikhail Gorbachev chan tiang an an mission nganbik cu hrianmam tthatha ser in ralkap bu nganpi ser in vawlei cung ah communist ram karhter hi an mission a si. Afghanistan an rak tuk zong kha Communist ram ah ser an rak duh caah a si. US president Ronald Reagan chan ah the Soviet Union cu a rawk i, Russia Federation hi a chuak. Soviet Union ah a hnubik President hi Gorbachev a si i, US he naite in chawlehnak kan tuah lawng ah Russia ram a thancho lai tiah a rak zumh. Cucaah, amah chan ah Macdonald dawr zong hi an rak open ti a si.

1991- Russia Federation ah President hmasabik cu Boris Yeltsin a si i, amah President a tuan lio ahhin tulio Vladimir Putin hi a Prime Minister ah a rak thimmi a si. Boris Yeltsin nihhin Communist system, State nih Business vialte an rak control mi cu capitalism ah a thlen hna i, anmah Communist chan lio i, bawi a ttuanmi, upa le mirum hna nih Soviet Union chan lio Cozah chawlehnak, oil company tbk vialte cu anmah kut ah a phan dih. Cu pawl tuk minung pawl, an tefa hna cu, tulio Russia Oligarch timi cu an si.

Russia Oligarch nihhin Russia ram Politics hi an control ko tiah an ruah. A cheu nihcun Putin inner Cycle tiah an ti. Russia ram chawlehnak le politics vialte anmah kut ah a um.

Cucaah, tutan Ukriane vs Russia War ahhin Putin thinlung a thleng khotu cu Russia Mirum, Russia Oligarch pawl lawng hi an si tiah zumh a si caah, US, UK le Europe hna nih Russia Oligarch pawl cu fakpi in an den hna. Russia mirum pawl hi US, UK, Europe tbk ah Hotel le Inn thatha an cawk. An phaisa tampi cu Russia ah siloin ramleng ah an chiah hna. Cucaah, tutan sanctons ah fak ngai in a hliam hna ti a si.Credit- Zsang Cinzah

Be the first to comment

Leave a Reply

Your email address will not be published.


*