Tuzan Hakha Pawng Cungsang ah Hmuh Mi Meiceu Kongah Na Lungrethei Maw… –


Hakha Pawngkam ah meiceu bantuk in a zuang mi kongah fianternak ka vun tuah lai. Nihin ah thawngzamh lian tampi nih an langhter ning ahcun, December 14, 15, 2022 zan ah cungsang ah Arfi ceu a zuangmi hmuh asi lai. Cu cu Geminid meteor shower tiah timi asi tiah an langhter. Mah sullam cu Laiholh in chim ahcun arfi ruahsur ti phawt ko u sih. Mah Meteor showers hi suimilam pakhat chung ah Meteors 150 aphan ko tiah an ti.

Tuzan ah kan Lairam Hakha khuapi pawngkam cung lei van ah aceu mi hmuh ceo asi. Hakha lei lawng asi lo, India ram hmun dangdang le Mizoram zong ah an hmu ve ko. Hi mei ceu a zuang mi ruangah thinphang in mipi um sual hlah uh, vanlei thil ruangah a chuak mi asi. Cunglei arfi thlapa le nika kong a thei mi nih an langhter cang mi asi caah zeidang dang Hakha hrawng ralhrang cawlcanghnak asi lo ti mipi sinah langhter kan duh.



Source link

Add a Comment

Your email address will not be published. Required fields are marked *