Tuzan Lei SAC Ralhrang Hakha Khualipi An Luh Lio Thil Mak Taktak

SAC Ralhrang uico pawl Hakha khua chung an luhlio ah bomb puaknak a chuak tiah theih a si.

Falam in Hakha lei a kalmi SAC Ralhrang hna cu nihin July 17 zanlwi auimilam 4:15 tluk Hakha khuapi chung an luhlio ah Zehtit sang ah bomb voikhat a puak tiah theih a si.

Mah bomb puahnak ah hin hliamtuar an um hrawl lo tiah khuami pakhat nih a chim. Ralhrang hi Hakha a lutmi 18 lawng an si.

SAc ralhrang uico pawl hna hi July 7 in Falam in Hakha lei ah an kal. Suimilam pahnih Falam le Hakha kar kalnak cu ni 10 chung an rauhhnu nihin lawngah Hakha khupi an phanh khawh.

CNA hruaimi Chinland Joint Defense Committee (CJDC) a simi hna CNA, CNDF, CDF-Hakha, CDF-Thantlang le CDF-Matupi pawl nih voi tamngai te an kah hna caah SAC ralhrang uicobpawl cu a tlawmbim 30 nak tam an thah khawh hna.

CJDF lei in CDF-Hakha le CDF-Matupi in pasaltha pahnih nih ram le miphun caah an nunnak an pek inpasaltha pa 10 an i hliam tiah theih a si. Falam le Hakha karlak ah inn 35 khuami inn an khangh dih. Source-Chinjournal

Be the first to comment

Leave a Reply

Your email address will not be published.


*