Skip to content
Home » Tuzing ah capar pakhat ka hun bih i a tlangtar nih ka lungthin a lak tuk

Tuzing ah capar pakhat ka hun bih i a tlangtar nih ka lungthin a lak tuk

Tuzing ah capar pakhat ka hun bih i a tlangtar nih ka lungthin a lak tuk caah, ka rian chiah in ka hun rel duak.

A tlangtar cu “kum 30 na tlin ah phaisa zeizat dah na ngeih awk a si cang” a si.

A chungbia ka hun rel cu nuam ngai, minung nun khuasaknak lei thiamsang (social scientist) hna nih hi vawlei ah lungre thei lo, hnangam tein nun caan hman khawh na duh ahcun, kum 30 na tlin ah phaisa thla 6 chung hman awk za tal cu naa khawn cang a hau, tiah an ti.

Minung pakhat thla khat nunnak ding ca ahhin US ram khuasa dirhmun in an tuak i $2300 hrawng a hau ee an ti. Thla ruk ca cu $13800 a si.

Cucaah an tining hin cun kum 30 kan tlin bak ah $13800 hi phaisa khawn cia kan ngeih cang awk hrimhrim a si. Hi tal a ngei lomi ca ahcun nuam tein vawlei nun hman a fawi lo ee tiah an ti.

Kanmah umnak ram/hmun cio thla 6 hmang in hei i tuak cio ko usih.

Har ngai eeh. Kan nih Laimi ca le bang ahcun a har ngai.

Atu US le Australia ummi mino kum 30 pawl kha rak check ulaw, $13800 saving cu nan ngei cio dik maw? Kan nih ram 2nd nak le Myanmar ram chungmi ca le bang ahcun a ngei lo lawngte deuh kan si ko lai!

Hi social scientist pawl tuakning hin cun, kan nih Laimi cu nuam tein vawlei nun caan hman venak chance cu kan ngei bak lo khi a si ko; kan lo kan lo.

Kan i nawnnok dih ko hnga…

A si nain vawlei ah phaisa fang khat te hmanh kan phaisa chung i a um lo zongah i lawmh khawh peng venak tawhpi Jesuh Khrih ah pek kan si ve celngel i social scientist pawl an hmual pho diam.

Phaisa ngeih bak lo bu le rum bak lo zong in Khrih ahcun i lawm khawh tuk rak si ko..

Ka nun hi a dihlak in Pathian kutcak chungah a um timi biatak chungah NUN tu a hau ve.Credit-Hram Bik Lian

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo