Uico Min Aung Hlaing Nih Mipi Hlennak Bia Pakhat Khuaruahhar A Chuah Pi Than Hoi

Min Aung Hlaing amah pumpak nih onnak a tuah mi mipi hlennak MRTV Application le Website cu mi zei bu hmanh nih an kan hrawk piak lo i kanmah nih kan remh lio a si caah caan karlak kan dinhter chung mi a si.

Chokhleipar | May 7 | 2022
Ralhrang lainawng Min Aung Hlaing nih ramleng he ramchung he mipi hlennak ding caah tiah timhtuahnak a ngei i MRTV Application le Website cu mi zei bu hmanh nih an kan hnawh puak lo i kan remh lio a si caah chitkhat cann karlak kan dir ter chung mi a si tiah lih hrawkhrol in thawngthanhnak an tuah hoi cang.

May ni 4 ah khan ralhrang lai nawng pa Min Aung Hlaing pumpak nih onnak a tuahmi MRTV Application le Website cu Hacker phu 43 nih an hun luhhnawh i hrawk an timh caah remh ding in tihmtuahnak kan ngeih lio a si caah caan karlK kan dinh ter chung mi a si i MRTV Application le Website cu mi zei bu hmanh nih an kan hrawk piak kho lo timi mipi sinnah theihter kaninduh ko hna tiah Lih hrawkhrol bak in MRTV thawngzamhnak ah an chim.

Ralhrang lei lemsoinak tuah ding in
MRTV Application le Website cu May 4 ah khan Min Aung Hlaing pumpak nih onnak a va tuah. May 5 ni khat hmanh a rauh hlan ah American company US developer Apps Web Social nih MRTV
Application pawl cu Apple App store le Google play store platform nih an hnawh piak than diam hna. Cun MRTV website zong cu May ni6 ah an hrawk piak than hna.

MRTV Website – mrtvmedia.com Website zong hi American hrambunh vawleicung minthang a si mi GoDaddy.com company nih a tuahter mi hna a si caah anmah company nih an hrawk piak than hna lai tiah zumh a si.

A si nain Min Aung Hlaing te phu ralhrang nih cun an kan hrawk piak i an kan hnawn piak tiah chim duh lo in mipi sin ah a hohmanh nih an kan hrawh or hnawh piak lo. Kanmah nih kan remh lio a si caah kandir ter chung mi a si tiah lihrang in mipi hlen an kan timh ko nain mi zeihmanh nih an zum jlei hna lai lo timi cu zakhat ah zakhat a fiang mi a si ko.

Be the first to comment

Leave a Reply

Your email address will not be published.


*