Uico Min Aung Hlaing:Tlangcung hriamtlai phu pawl he daihnak ka tuah cang lai

EAOs hruaitu pawl le Ralhrang Min Aung Hlaing ton timhnak kongkau ah AA nihcun a hawikom hriamtlai phu hnih he biaruah hmasa kan ngei lai tiah an chim.

Chokhleipar | April 22 | 2022

Rampi rremdaihnak tuah khawh nak ding caah tlangcung hriamtlai phu hna i hruaitu pawl le ralhrang MinAung Hlaing ton timhnak kongkau he pehpah in AA cu a hawikom a si mi tangti phu hnih he ton biaruahnak kan ngei hmasa lai tiah chim.

Tlangcung miphun vialte daihnak ding caah le thancho nak ding caah EAO he lungthiang tein ton biaruahnak kan ngei lai tiah ralhrang nih ngeih mi thawngzahnak Myawaddt nih April 22 thawng chimnak ah ralhrang lubik Min Aung Hlaing nih a chim mi an langhter.

Cu kong he pehpah in ralhrang nih tlangcung hriamtlai phu sawmnak a tuah mi cung ah ULA Headquarters zong ah tonnak kan ngei lai i kan tangtitual hawikom phu hnuh hna he zong biaruahnak kan ngei hmasa lai lai AA chimphuannak ngei U Khaing Tuh Khah nih Western News ah a chim.

Nihin ralhrang Min Aung Hlaing chimnak kongkau he cun comment pek dingah a tuan tuk rih. Hi kong hi cu ULA Headquarters zongah biatuahnak kan ngei hmasa ta lai. Culaeng si lo in kan hawikom rual phu hnih hna he zong kan i tong hmasa ta lai. Cucaah caan karlak i comment peng ding hi cu zeihmanh kan tuah rih lai lo.

Ralhrang Min Aung Hlaing nih tlangcung hriamtlai phu pawl tlangcung miphun thanchonsk le remdaihnak ding tin a duh mibpoah cu phu khat ah minung pahnih cio min cazin nan rak pek khawh. Ton a duh mi nih Hmaithlai ni 9 hlan ah min cazin rak pe uh tiah Myahwaddy Tv channel in a chim. Cun tlangcung miphun pawl nih nan duh bak mi federal democracy le democracy hrambunh mi ramkulh komh kan dirh hna lai timi cu amahkhan kan pek hna tiah a chim chih.

Culawng si lobin tukum ah hin remdaihnak kum a si i tulio buaibainak vialte ka dih donghter lai tiah ralhrang Min Aung Hlaing nihcun a chi chap. Hi kong hi ramkhel thiamsang hna nihcun tukum chung ah tlangcung hriamtlai phu pawl an cil ka hmit dih hna lai tiah a chim duhnak a si caah tukum 2022 kawl titoih puai hnu ah raltuk a zual chin lai tiah an ruahdamh mi a si.

Tlangcung miphun pael hi Bochoh Aung San he biakamnak rak tuah hnu ah ralhrang pawl hruaitu Ne Win chan in remdaihnak kan tuah lai tiah an rak kan sawm i hlen sawh hmanh si lo in nihin tiang an rak kan hlen cang. Cucaah nihin ralhhrang MinAung Hlaing nih tlangcung miphun he remdaihnak tuah ka duh ko a timi zong hi i zumhsual ahcun a kan hlen nolh than ko lai tiah kawlram ramkhel ngiathlaitu hna nihcun anzumh ning a si.Western News-WN

Be the first to comment

Leave a Reply

Your email address will not be published.


*