Uico Ralhrang Nih YDF sakhan Pakhat An Lak

Uico ralhrang nih Gamkaw peng chung mipi ralkap YDF sakhan pakhat cu vanlawng pathum in an kah hna caah sakhan um pasaltha 7 le hriamnam cheukhat ralhrang uico nih an lak tiah theih a si.

Chokhleipar| 27| 2022

2022 May 26 nizan ah ralhrang uico phu nih tanglei in Gankaw peng chung mipi ralkap cu an tei ti hna lo caah cunglei raltuk vanlawng pathum in an kah hna caah pasal tha hna minung 7 nunnak a liam i an meithal le thilril zong ralhrang nih an lak piak khawh hna tiah theih asi.

Ralhrang uico pawl nih Gankaw peng chung internet line an phih piak dih hna caah YDF lei in tutiang cu thil a sining fianhter nak an tuah mi hmuh khawh a si rih lo.

Ralhrang uico nih thawng an thanh ning ahcun Gankaw peng chung hmunhma thianhhlimnak kan tuah nak ah Pinthar khuate kam ah PDF he ikahnak a ummi PDF 7 an ruak le an hriamnam AK 47 pathum kuan bawm pahnih le a dangdang kan lak piak khawh hna tiah lih rumro in thawng an thanh.

Watlet pengchung ah PDF he kan i kap i an ruak le an hriamnam cheukhat kan lak khawh rih tiah thawng an thanh .

Nizan May 26 chunhnu 2 pm tluk ah Sagaing ramthen hmunhma thianhhlimnak kan tuahnak ah Watley khuate pawngah PDF he kan i kah i PDF ruak pathum le kut in tuah mi hriamnam meithal pahnih le a dangdang hriamnam kan chuh khawh hna tiah thawng an thanh rih fawn.

Be the first to comment

Leave a Reply

Your email address will not be published.


*