Ukraine Lothlo Pa : Russia Missile System Phortu Pa Cu Zuute Tlik in A Tli A Tli Tiah A Video He A Thlah

Ukraine lothlo pa nih Russia raltuk missile tank £12million man mei in a lo kam ah a khangh piak diam ko.Russia le Ukraine i kahnak a zualhma taktak khi a si. Ukraine cu meithal tlqi kho poah nih meithal an i tlaih i Russia ral an kham hna.

Russia ralkap pawl cu ka zuanhnawh ciaman in zuute tlik in a tli ko tiah Ukraine lothlo pa nih a chim. A raltuknak missile Tank £12million man cu mei in ciam dihlak a khangh piak nak video social media Facebook chung ah a post i minung tampi hna nih Ukraine mipi kan in uangpi tuk hna tiah an thangthat len.

Ukraine lothlo pa nih Russia missile Tank a tlaih i mei a khangh nak video cu Ukraine thlanglei Mykolaiv Oblast hmunhma Bashtanka ah March nikhat ah a cang mi a si. Lothlo pa hi kum 49 Boris Filatove a si.

Mah Video cu social media facebook chung ah Ukraine lothlo pa kum 49 Boris Filatove nih Ruasia raltuk tank pakhat a tlaih piak i Russia ralkap pa cu zute zaam in a zam hnu ah mei in £12million man a missile system cu mei in ciam dihlak a khangh piak tiah a linsa ngaingai. Russia ralkap pawl cu Ukraine lo kam hrawng ah Ukriane mipi pawl i ui le ar doi in an doi hna .

Ruasia raltuk tank Ukraine loyhlo pa nih a khangh piak mi hi Russia ram Tusa ah KBP Instrument Design Bureau nih an ser mi a si. Ukraine mipi pawl cu social media chung ah minzeipoah nih an ralthatnak cu an thangthat len hna. Russia president Putin cu nitlak lei ramthawng pawl nih faktuk in sipuazi an phihkham caah a ram chung khuaruahhar in sipuazi a tla cang. Cu ruang ah Nuclear ralkap pawl timhcia in nuclear timh tuah piak uh tiah Order a pek hna.Source:Dailymail

Be the first to comment

Leave a Reply

Your email address will not be published.


*