Ukraine Nih Russia Tank A Kah Ning Bantuk In Chaung Oo PdF Nih Ralhrang An Kah Lio

Monyua- Mandalay lamthluan pi i ralhrang motor thluan humhimnak lakpiak ding in rak chiahmi pawl cu bomb in an phomh ciaman hna i ralhrang minung 15 nak tam an thi lai tiah zumh a si.

Sagaing ramthen Monyua-Mandalay lampi cung ralhrang moror thluan pawl cu humhimnak lakpiak ding ah rak chiah mi hna voi tam nawn bomb in an phomh hna caah ralhrang uico 15 nak tam an thi lai tiah Myaung Revolution Army nih cathanh an chuah.

July 8 zingka tuante ah ralhrang minung 30 tluk hna cu motor pathum in ChaungOo khuapi in Minmu khuapi lei ah Monyua -Mandalay lamthluanpi zulh in an kal hna. Mah ralhrang uico pawl a kalmi hna cu Sagaing in Monyua khuapi ah a kalmi ralhrang dang humhimnak lak piak ding ah thlah mi an si tiah MRA nih an chim.

Minmu peng a pehnak vun phan bak ah ralhrang uico pawl cu motor cung in an chiah hna i ke in an kal hna. Cukahmun ahcun MRA nih bomb in an kah hna caah uico panga cu a hmun ah an tlu tiah an thanh.

Cuticun ralhrang pawl cu hriamnam ngan he hme he MRA nih cun an phomh chih hna hnu ah ralhrang nih MRA bomb an hmanhnak hmunhma chung an luh caah voihnih bak bomb nih a puah hnawh than hna i ralhrang uico cu a tlawmbik 10 cu an thi rih lai MRA nih an ruahdomh.

Cuticun ralhrang uico pawl hna cu Guaipintaw khuate sianginn kulh chung a lutmi zate hi minung 17 lawng an si cang cang ah ralhrang nih Light Truck motor pakhat in milu thazaang a rak chap than hna tiah an langhter. Tutan ralhrang uico pawl a kaptu hna hi MrA sagaing pengkomh tat-yin 5 le Formmer Revolution Force Chaung Oo i fonh in an phomh mi hna a si. Source-People Spring

Be the first to comment

Leave a Reply

Your email address will not be published.


*