Ukraine President: Putin Nih A Timhtuah Mi Vial A Phuan Dih Cang

Ukraine tuk hnu ah a dang ram tuk than ding in Russia president Putin nih timhtuahnak a ngei tiah Ukraine president nih a phuan. Ramdang pawl ralrin in um uh tiah Ukraine president nih a chim.
Chokhleipar | April 23 | 2022
Russia president Putin nih Ukraine kan ram a kan tuk mi hi cu thil hmete lawng a si rih. Kanmah Ukraine lawng si lo in a dang ram zong kah a thimhtuah mi a um cang tiah Reuter thawngzamh ca ah a chim.

Ukraine thlanglei hmunhma vialte hi Russia nih ukdih a duh tiah Russia ralkap lutlai pakhat nih a chim hnu ah a tu bantuk in Ukraine president nih a chim hi a si.Russia ral hi kanmah nih hmai in kan doh lai i kanmah a tanpi tu hna nih an kan bawmh lai. Kanmah hnu ah khuazei ram dah a luhhnawh than la timi tu cu fiang in theih khawh a si rih lo tiah a chim.

Ukraine thlanglei lei hmunhma vialte hi a zate in a control khawh a si ahcun nitlak lei Russia nih a lak cang nak Mawdobar hmun Transnistriq chung ah Russia ram chung a laifang Assistant Commander of Military Area tuanvo latu Rustam Minnekayev nih a chim mi cu Russia thawngzamh ca Tv nih an langhter.

Cun Russia nih a ralkap pawl hi Ukraine nitlak lei hmunhma poah ah a kuat hna lai i Ukraine rilikam khuapi a simi hna Mykolaiv le Odesa hna hi biatak in a nam lai tiah Rustam Minnekayev nih cun a chim fawn.tutan Russia nih Ukraine a nam ning zoh tik ah Ukraine thlanglei le nitlak lei hi biatak tein lak ding a timh ko cang tiah Reuter thawngzah ca nih an langhter.

Ukraine cu no-war zone sinak le tihnung mi nationalism itlaih mi chung in a luatnak ding caah ka luhnawh mi a si tiah Russia nih a tuletu te a chim lengmang.Russia nig Febuary 24 thawk in Ukariane a luhhnawh mi cu Ukraine cozah le nitlak lei a hawikom ram vialte nih Russia cu an mawtchiat dih.Source: Reuters

Be the first to comment

Leave a Reply

Your email address will not be published.


*