Skip to content
Home » Ukraine President Zelanski Nih Russia Ralkap le Nulepa bia a caah mi hna Bia Roling

Ukraine President Zelanski Nih Russia Ralkap le Nulepa bia a caah mi hna Bia Roling

Ukraine President Zalandski nih Russia ralkap pawl cu amahkhan pathum in bia a cah hna.

Hriamnam chiah a duhmi le a chia cang mi Russia ralkap pawl cu Ukraine ram mi amahkhan pathum kan in pek hna lai tiah Ukraine President Zalandski nih Swptember 25 ah biakamnak a pek hna. Amahkhan pathum a pek mi hna cu a tanglei ah pakhat hnu pakhat in ka hun fianter lai.

Hriamnam a chia tu ralkap poahpoah cu vawlwicung ram Democracy ram hna ah um khawhnak nan ngah lai, Hriamnam a chiah tu ralkap a min le umnak, Pawl cu Russia cozah nih theih lo ding thawngzamh kan kham lai.

A pahnihnak cu thongtla pawl i thlennawnnak cazin chungah Russia kir a duhlo mi ralkap pawl cu nan min telh a si bak lai lo tiah a chim.

A donghnak amahkhan cu Ukraine ram ah siseh, a dang ramthumnak ah siseh ram pakhatkhat um na duhnak ah himtein le , zalong tein na um khawhnak ding caah kan in tawlrel piak hna lai tiah biakamnak he amah kan khan hna tiah Ukraine President nih Rusaia ralkap pawl bia a cah hna.

Mah Putin nih a nawlngeihnak Aana duhtuk ruangah kan hawikom kan unau Ukraine ral ah thlah i thatnak umlo in thihter cu biatak tein doh dingah Zelanski nih Russia mipi nulepa pawl cu bia a cah ve hna.

Vawleicung ram thawngbik pahnihnak a simi Russia ralkap pawl cu hulahulu in Ukriane ralkap nih an teituk cang hna caah a tu cu ni tlawmpal te raltuk cawnnak chimh in hriamnam le tlamtling hungha lo in Ukraine ram ral chungah rak kuat ding mi ralkap thar pawl caah Russia nulepa nih tha tein khua nan ruah a hau tiah Zalanski nih a chim fawn. Russia cozah nih ralkap thar a khawmh mi ah duhlonak biatak tein langhter ding le Ralkap thar khawmhcia mi zong nih Ukraine ram phanh bak in hriamnam chiah colh ding Zelanski nih Russia mipo pawl cu bia a cah hna.Source-AP

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo