Ukraine – Russia ral i tuknak a ni 8 nak tiang thawngpang fiang

Ukraine – Russia ral i tuknak a ni 8 nak tiang thawngpang fiang

Niriat chungah Russia nih Ukraine khuapi pakhat lawng a lak khawh.

-Belarus ramri ah Rusia le Ukraine i chawnhbiaknak a voihnihnak tiangah humaintarian lawng hnatlaknak an tuah kho.

– Ukraine president nih Russia president anmah pahnih pumpak i chawnhbiak ding a hal.

– Ukraine Preidwnt nih Europe ram pawl raltuk vanlawng pawl bawmhnak a hal hna.Ukraine ningpi in Russia nih a lak khawh a si ahcun Putin nih Latvia, Lithuania ,Estonia ram pawl zong a luhhnawh hna lai tiah ralrin a pek.

– Nzan Russia nih Ukraine ram a biapi bak mi Mariupol khuapi bomh in a thlak ruangah mipi harnak an tong. Electric mei le din awk khuarruahhar in an har cang.

– Ukraine khuapi Kiev chakleibkam meng 70 i Chernibive khuapi sianginn le ngakchia sizung kam ah bomb a thlak caah a tlawmbik mipi 22 an thi i khuapi um zinan chiahnak zong bomb in an thlak hnawh.

– International criminal court nih Putin cu phungbuartu a si tiah a sualnak pawl kherhhlainak hram an thawk cang.

– Ukraine khuapi Kiev cu Russia nih Tank ngan piin in pehzulh in a kah peng. Ukraine mipi a zaam mi 1 million an si cang tiah UN nih thanh.

– Putin nih Ukraine a luhhnawh i a kah mi a timhtuah ning tein hlaw ka tling tiah ai hmuh. Ka hmuitinh ka phanh lo chung hinak zualhma in ka kah lai tiah a chim.

– Ruasia ralkap bochoh rengsang pakhat Ukraine sniper phu nih thilak an kah.Andrei Sukhovetsky a ruak cu Russiah ah an tlunpi lio a si.

– Russia cozah nih Ukraine a tuknak thil sining pawl mipi nih an theih khawh dih sual lai tiah Russia cozah nih a ngeimi media pakhat te lawng a tang mi Dozhd TV Le Ekho Moskvy cu phih ding nawl a chuah.Russia nih a ngeihmi media pawl cu hacker pawl nih an phih piak dih cang hna.

– Russia ram chung ah media pakhat lawng a tang cang ko nain Russia cozah nih chuahnak nawl a phi cang.

– Germany nih Ukraine ralzam pawl ka xohlang hna lai tiah athanh hnu ah Germany khuapi German tlanglawng zungah ralzam dontu phu an khat.Ralzam pawl kan cohlan hna tiah card an i tlaih hna i Ukraine ralzam pawl cu an inn ah an tinpi hna.

– Ukraine khuapi pawl cu Russia nih rocket in pehzulh in a kah caah Ukriane nitlaklei Kiev khuapi in Meng 40 tluk a hlatnak Borodyanka cu a rawk dih cicet cang.

-Ukriane khuapi Nuclear power plant pi cu Russia nih Rocket in a kah caah tuzing a kang cuahmah. A tutiang mei an phalh kho rih lo.

Be the first to comment

Leave a Reply

Your email address will not be published.


*