Ukraine: Russia ralkap pawl kuan le zen, eiding nithum ca te lawng an nei cang

Russia ralkap pawl ei din le kuan le zen nithum ca te lawng anngeih cang caah a rauh hlanah raltuk a dai cang lai tiah Ukraine i runvennak vunci zung nih an chim cang. A ngaite ti ahcun Russia president putin nih Ukraine cu chitkhat te ah ka lak dih colh lai tiah a rak i tim nain a ruah ning bantuk in thil pakhat hmanh a kal ti lo.

Russia ralkap pawl nih eing thilril le am hriamnam kuan le zen an neih mi hi nithum ca te lawng a tang cang. A chanhtu motor le a dang pawl an rak luh khawh ti lo caah Russia he ral thawh cu a rauh hlan te ah a dai cang lai tiah Ukraine i runvennak vunci zung nih thawng an thanh.

Putin nih Ukraine cu Febuary 24 a luh hnawh. Chitkhat te ah ka lak dih colh lai tiah a rak i ruahchan. Nain a ruah ning bantuk in thil pakhat hmanh a chuak ti lo. Russia ralkap rank sang taktak minung 15 telh in a tlawmlei in minung 15000 an thi cang tiah Ukraine nih an thanh i anmah Russia lei zong nih ralkap 10000 cung cu kan thi cang tiah an chimphuan.

Culawng si lo in Ukraine ralkap pawl nih Russia ralkap an nunbu in an tlaih mi hna pawl an tahnak le a tomtom in a thimi hna video cu social media chungah a linsa ngaingai.

Russia ralkap lei nih a liamcia suimilam 24 chungah vanral lei in fakpi in kahnak an kan tuah. Thawngpang kan theih ningah an ralkap pawl nih nithum ca te lawng din: ei awk an ngei cang i kuan le zen zong nithum ca laeng an ngei cang tiah thawng kan theih tiah Ukraine irunvennak vunci zung nih an langhter.

Ukraine pesident ruahnak petu Oleksiy Arestovych nih tutan raldohnak hi tuhnu zarhhnih in zarhthum chungah a dih cang lai tiah a ruahdamh ve. Tutan Russia nih Ukraine a luhhnawh mi cu a hlawhtling lo tiah vawlei pi nih an zumh cio. Russia hi a sung hrimhrim te lai tiah zumh a si cang ko.AKonThi

Be the first to comment

Leave a Reply

Your email address will not be published.


*