US President Biden Nih American- Asean Ah Ralhrang Min Aung Hlaing Na Sawm Lai Maw Tiah An Hal I A Leh Mi Hna Cu

American ram Washinton khuapi ah American- Asean hruaitubpawl tinnak cu tu thla dih hlan ah tuah timh a si. Hi tonnak ah Myanmar ralhrang lei in kai londing in le ramkhel lei he pehtlaihnak a ngeilo mi lawng kai a ngah lai tiah American President Biden nih a chim cang.

Asean hrauitu pawl meeting ah Myanmar cu ralhrang lei kai lo ding in ramkhel he pehtlaihnak a ngailo mi lawng kai kho ding hnatlaknak an ngei ning tein tutan zong remkhel pehtlaihnak a ngeilo mi kai a ngahte lai tiah American tamleng vunci zung nih an chim. Nain tutan a kai kho ding mi palai cu a hodah a si te lai timi fiang in an chim lo tiah CNA nih an langhter.

Myanmar ralhrang nih Asean lungtlinnak phun5 cu a zulh lo caah a inn ding a si ko tiah American ramleng vunci zung nihcun an langhter.

Asean hrauitu pawl meeting lio Myanmar ralhrang Min Aung Hlaing a rak kai lio a liamcia a liamcia kum ah khan Myanmar ram buainak a phi kawl khawh nak ding caah hnatlaknak phun 5 an rak tuah. Cu hnatlaknak cu ralhrang Min Aung Hlaing nih nihin tiang pakhat te hmanh a zulh lo caah ralhrang cu meeting chung poah in pheuta an si peng.

UN security council meeting ah Russia nih Ukraine a luhhnawh i a kah mi cu kan doh tiah draft an chuahpi mi cu UN chungtel ram nih mee thlaknak an tuah i Myanmar ka lungtling ve tiah mee a thlak ve.

UN security council ahcun Myanmar palai U Kyaw Moe Htun nih Myanmar a ai awh caah Russia dohnak ka cohlang ve lo tiah mee a thlak ve.Russia dohnak kan cohlang lo i Ukraine mipi pawl he kan dir ti ko timi draft mee laknak a si.Cu mee thlak nak ahcun Myanmar telh in ram 141 nih Russia an doh i ram 5 nih Russia an dirpi. Nain ram 35 nih nee thlak lo in a karlak ah an um hna tiah theih a si.

Russia lei kap in a dir mi ram hna cu Amah Russia lila, Beralus, North Korea, Russia hawipa Syria le Eritrea ram hna an si. Mee thlak duh lo in a karlak ah a um mi ram hna chung ah Myanmar ram innpa China, India, Bangladesh, Asean chungtel Vietnam le Laos ram hna an i tel.Source-BBC

Be the first to comment

Leave a Reply

Your email address will not be published.


*