US ram Brooklyn ah tihnung tuk in mipi meithal in a kaptu pa an tlaih khawh cang

New York Brooklyn vawlei tang tlanglawng dinhnsk hmun ah meithal in mipi kaptu an tlaih khawh cang tiah theih a si. Cawn nih ih ni mipi an um kal cuahmah lio ah mipi ci meithal in a kah hna caah minung tampi nunnak a liam lawng si lo in hmapu zong an um len. Cu kong he pehpah in meithal in kaptu cu polik nih an tlaih khawh cang.

Meithal kahnak a chuah a thaizing cawn nithum zing ah nazi pakhat le minutes 40 tluk ah Crime stopper hna sin ag phone call pakhat a lut i phone chung in a chim mi cu hey nanmah nih nan ka kaal len a si ko lo ma? Ka hmanthlak cu hmun kip ah ka hmuh cang cang ko. A tu hi Mahatan East Village i McDonald’s dawr ka phanh i cuka hmun tiang ahcun ka hmanthlak ka hmuh ko! Hi hmanthlak pawl hi hrawk dih citcet ka duh tiah phone chung ahcun a chim.

Cule cangka in polik pawl nih cun khulrang i McDonald’s dawr cu an vung fuhpanh i meithal tlai tu pa cu dawr chung ah an hmu lo nain cuka pawngkam ahcun kawlhawlnak tha tak in an tuah colh i mipi that tu Frank Robert James cu Wisconsin ramkulh i a motor mongjnak lisense he cuka hmun ahcun an tlaih khawh. Mipi meithal in a kah hna hnu suimilam 30 tluk ah Frank Robert James cu an tlaih khawh hi a si.

Frank Robert James cu kum 62 a si i meithal in mipi a kap hna ruangah minung 29 hliamhma an pu tiah theih a si. A tutiang ahcun polik nih hlathlainak an tuah cuahmah lio a si cang i zeituang ahdah mipi hi zat meithal in a kah hna timi fiang in thanhnak an tuah rih lo.
Ref: Brooklyn shooting suspect Frank James facing terror-related charges after calling Crime Stoppers on himself

Be the first to comment

Leave a Reply

Your email address will not be published.


*