US Ram San Antonio Ah Khuaruahhar Thil Tihnung A Tling

Tractor motor chung ah mipem rak phorhmi a tlawmbik minung 46 hna cu US ram chung San Antonio ah an ruat in tractor motor ke 18 nei chung ah kan hmuh hna i mahhna phu hi hmawngkhu in rak luhpi mi an si hna lai tiah official nih nizan Monday ah an chim.

Mah zat minung hmawngkhu in rak luhpi mi an theih khawh nak hna cu zanlei suimilam 5 50pm tluk ah bawmhhalnak tah thawng pawngkam hna nih an gheih tiah San Antonio Police Chief Bill McManus nih a chim. Minung pakul upa 16 le ngakchia 4 hna an nung rih mi hna cu an tlaihnak hmun pawng sizung pakhat ah an kuat hna. A linhnak nih rak thah dengmang dih cang hna tiah San Antonio Fire Department Chief Charles Hood zong nih a chim.

Hi minung hmawngkhu in rak luhpi mi bak cungah hin minung pathum hna cu thong chungah an khumh hna.

Tu bantuk in hmawngkhu in minung harsatnak pek in rak luhpi le mipi humhimnak kongkau hi biatak deuh in kan zohfel le kan rengh a hau ko tiah Hood nih cun a chim fawn. Hi kongkau he pehpah in a hnu ah thangpang fiang thanh khawh kan rak zuam lai tiah ICE chim phuannak ngeitu nih a chim. Hibantuk thil hi cu tihnung tuk hringhran tiahCustoms and Border Protection Commissioner Chris Magnus nih a chim ve.

Be the first to comment

Leave a Reply

Your email address will not be published.


*