Skip to content
Home » US sianginn tuksapur kahnak lio ah fak tuk in aa hliammi kum 10 nute

US sianginn tuksapur kahnak lio ah fak tuk in aa hliammi kum 10 nute

Kan hnu May 24 lio i US sianginn tuksapur kahnak lio ah fak tuk in aa hliammi kum 10 nute, Mayah Zamora cu nai Friday ah khan sizung a chuak.

Hi nute hi hliamhhma fak tuk a tuar ko bu ah, sizung a um chung ahhin khuaruahhar in a lung tthawng i lomhnak mithmai a keng zungzal mi a si caah nurse le doctor te nih an dawt taktak..

Meithal kah an ton ruang ah zoh a rak duh tuk nain a rak tawlhmi American singer minthang, Kevin Fowler zong Nurse te nih an auh piak i sizung tiang a rak zoh.

Cu lio zong ahcun singer Kevin nih “cu nute cu ka ruahnak lengpi in a lung a tthawng, a ral ttha tuk; hi nute ka va tonmi nihhin tam tuk tthawnnak a ka pek ee” ti zong a ti phah..

Nai Friday chun cu a hawile nih “Mayah na tthawng tuk” ti aa ttialmi T-shirt i hruk in an rak don. An hei thlah pah hna khin, nurse te nih “kan hero bak a si; zeibantuk thil lian ngan dah a tuah te lai” timi hmuh lai kan i ngaih tuk ee tiah an ti…

“Harnak ton caan ah lung tthawng taktak in um khawh i zuam hi, harnak a tongmi caah duhthimnak ttha bik a si”.

Lungsau tein harnak tuar chuaktu hna hi Pathian nih a lunglomhnak a hrawmh tawn hna..

Abraham cu Pathian nih lunglomhnak {fapa} a hrawmh hlan ah harnak phunkip tuar bu in kum 25 chung a hngaak..

Moses cu Pathian nih a mei ceu a hmuhter hlan ah, ram car chungah harsa taktak in kum 40 chung a hngaak…

Harnak ton caan i lungsau le lung tthawng taktak in nun khawh hi Pathian lunglomhnak i hrawm ve nak a si.Credt-Hram Bik Lian

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo