Skip to content
Home » Valeicung Minthangbik FBI nih tlaih khawh Lo Mi Pa Mexico Marines nih an tlaih

Valeicung Minthangbik FBI nih tlaih khawh Lo Mi Pa Mexico Marines nih an tlaih

American FBI nih tlaih duhbik mi cazin minung 10 chungah aa telmi Vawleicung ritthaisii minthang bik pa tlaihnak ah Marines ralkap pa 14 nunnak a liam.

American FBI nih tlaih duhbik mi minzain minung 10 chungah aa telmi ritthaisii minthang hruaitu pakhat cu Mexico ram ah July 15 ah an tlaih khawh. Hi tlaihnak misson ah hin Marines ralkap minung 14 nunnak a liam ve tiah theih a si.

Mah pa ritthaisii hruaitubpa tlaihnak ding caah Marines ralkap minung 14 cu helicopter accident nak in an thi dih. Mexico nitlaklei Sinalu peng Choix hmun San Simon khuapi ah burbuk lak ah aa thuh mi Ritthaisi hruaitu Rafael Caro Quintero cu tili ralkap pakhat nih a hmuh khawh i Marines ralkap pawl nih an tlaih tiah Mexico tili ralkap lei nih thawng an thanh.

Coro cu rithatisi minthangbik “narco of drug traffickers” tiah hngalh mi pakhat a si i Guadalajara ritthaisi a dirhtu a si tiag Mexico cozah nih an ruat mi a si i bing , kokin le sekhyaut pawl zur in chawhlehnak a tuahtu a si.

Hi pa tlaihnak ding caah Marines ralkap pawl 15 nih citmi helicopter accident nak a ruang cu tutiang hngalh khawh a si rih lo. A tuhi kan hlathlai cuahmah ko tiah Mexico cozah nih thawngthanh nak an tuah.

Kum 69 a simi Caro cu kum 1985 kum ah DEA (Drug Enforcement Administration) special agent Enrique Camarena Salazar cu hramhram i tlaih i thahnak longkau he pehpah in Vawleicung American kherhhlaitu minthang bik FBI nih tlaih an rak duhbik nak a si.

Caro cu lainawnnak ah aa pehtlaih tiah Mexico cozah nih kum 28 chung thong an rak thlak i kum 2013 ah an rak thlah than. A hnu ah Mexico biaceihzung nih Caro thonginn in an chuah than mi cu an i let than. Cuticun Caro cu a hnu ah Sinalo ritthaisi tuahtu pawl lakah hruaitu pakhat a si than tiah FBI nih an hmuh chuah than. Cucaah American nih kum 2018 ah Caro a tlai kho mi cu American $ 20 million kan in pek hna lai tiah thawngthanhnak an rak tuah.Source: CNN

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo